AQŞ äskerı Siriiada "İslam memleketı" pozisiialaryna qarsy äskeri operasiia jürgızdı, dep habarlaidy "Adyrna" ūlttyq portaly The New York Times-ke sıltep.
Būl qadam Palmiradaǧy amerikalyq äskeri qyzmetkerlerge jasalǧan şabuylǧa jauap retınde qabyldanǧan.
AQŞ qorǧanys ministrı Pit Hegset X äleumettık jelısındegı habarlamasynda operasiianyŋ aty "Iаstrebinyi udar" ekenın, onyŋ maqsaty – sodyrlardyŋ infraqūrylymy men qaru-jaraq qoimalaryn joiu ekenın aitty. Ol būl ärekettı soǧys bastamasy emes, "kek alu" dep atap, AQŞ azamattaryn qorǧauda eşqaşan abdyramaitynyn mälımdedı.
The New York Times jazǧandai, operasiiaǧa tıkūşaqtar jäne artilleriia qatysyp, äue soqqylary 19 jeltoqsanda bastalyp, 20 jeltoqsanǧa deiın bırneşe saǧatqa sozylǧan.
AQŞ prezidentı Donald Tramp "İslam memleketı" pozisiialaryna qataŋ jauap berıletının jäne Siriia ükımetınıŋ būl äreketterdı qoldaitynyn atap öttı.
Palmiradaǧy şabuyl kezınde ekı amerikalyq äskeri jäne bır azamattyq audarmaşy qaza tapqan, al üş adam jaraqat alǧan. Sonymen qatar, şabuyl kezınde bır siriialyq äskeri qyzmetker de qaza bolǧan. AQŞ qorǧanys ministrlıgınıŋ mälımetınşe, şabuyl jasaǧan adam serıktes küşter arqyly joiylǧan.
The Wall Street Journal deregınşe, şabuyl amerikalyq podpolkovnik pen Siriia IIM ökılı kezdesıp tūrǧan kezde oryn alǧan; şabuyldauşy bölmege terezeden qaraǧan jäne pulemetpen oq jaudyrǧan.
