Memleket basşysy Qasym-Jomart Toqaev bügın, 22 jeltoqsanda Sankt-Peterbrugte Resei prezidentı Vladimir Putinmen kezdestı. Būl turaly Aqorda jazdy, dep habarlaidy "Adyrna".
"Jaŋa jyl qarsaŋynda dästürge ainalǧan Peterburgtegı kezdesuımız mazmūndy öttı. Bız EAEO qyzmetıne qatysty bırqatar mäselenı qarastyryp, şeşımder qabyldadyq. TMD formaty aiasyndaǧy yqpaldastyqtyŋ asa maŋyzdy, özektı mäselelerı talqylandy. TMD – bedeldı ärı zaman talabyna sai halyqaralyq ūiym. Biyl özara yntymaqtastyǧymyz tabysty bolǧany sözsız. Ekıjaqty qarym-qatynas qarqyndy damyp keledı. 12 qaraşada Reseige jasaǧan memlekettık saparym öte nätijelı öttı. Sol sapar barysynda qonaqjailyq tanytqanyŋyz üşın Sızge rizaşylyǧymdy bıldıremın", - dedı Qasym-Jomart Toqaev
Prezident Qazaqstan Reseimen strategiialyq serıktestık jäne odaqtastyq bailanystarǧa erekşe män beretının de basa atap öttı.
"Bız Qazaqstan men Resei azamattarynyŋ kündelıktı tūrmys-tırşılıgıne qatysty mäselelerde bırge äreket etuımız qajet. Yntymaqtastyǧymyz ben strategiialyq serıktestıgımızdı nyǧaituǧa baǧyttalǧan ortaq jūmysymyz qos halyqtyŋ tüpkı müddesıne sai keledı", – dedı Memleket basşysy.
Öz kezegınde Vladimir Putin keşeden berı bıraz jūmys atqarǧandaryn basa atap öttı.
