Almatydaǧy Abai atyndaǧy Qazaq ūlttyq opera jäne balet teatrynda akter, rejisser, Qazaq KSR jäne KSRO halyq ärtısı Asanälı Äşımovpen qoştasu räsımı öttı, dep habarlaidy "Adyrna" ūlttyq portaly.
Qaraly jiynǧa mädeniet jäne öner salasynyŋ ökılderı, qoǧam qairatkerlerı, akterdıŋ şäkırtterı men ärıptesterı, sondai-aq qala tūrǧyndary jinaldy.
Räsım barysynda mädeniet jäne aqparat ministrı Aida Balaeva, memlekettık keŋesşı Erlan Qarin, Almaty qalasynyŋ äkımı Darhan Satybaldy söz söilep, qazaq önerınıŋ körnektı ökılıne qūrmet körsettı. Sondai-aq Qazaqstan Jazuşylar odaǧynyŋ töraǧasy Mereke Qūlkenov, qyrǧyz jazuşysy, TÜRKSOI ūiymynyŋ bas hatşysy Sūltan Raev marqūmnyŋ önerdegı orny men adamdyq bolmysyn eske aldy.
Abai atyndaǧy opera jäne balet teatrynyŋ aldyna akterdı aqtyq saparǧa şyǧaryp salu üşın jinalǧan halyq qarasy köp boldy.
Asanälı Äşımov Keŋsai-1 ziratyna jerlenedı, odan keiın Royal Tulip meiramhanasynda as berıledı.
Qazaq önerınıŋ saŋlaǧy Asanälı Äşımov 21 jeltoqsanda toqsanǧa qaraǧan şaǧynda ömırden öttı.
