Bas kölık prokurorynyŋ m.a. Säken Jorabekovtyŋ töraǧalyǧymen Üilestıru keŋesınıŋ otyrysy öttı. Kün tärtıbınde - kölık obektılerındegı qūqyq būzuşylyqtyŋ aldyn alu salasyndaǧy qūqyq qorǧau jäne uäkılettı organdardyŋ özara ıs-qimylynyŋ tiımdılıgın arttyru mäselelerı qaraldy.
Qūqyq būzuşylyqtyŋ jekelegen türlerınıŋ jalpy kemuı baiqalǧanymen, auyr qylmystardyŋ, sonyŋ ışınde poezdarda jasalu qaupı, sondai-aq esırtkı qūraldary men suyq qarudyŋ zaŋsyz ainalymy faktılerı saqtalyp otyrǧany atap ötıldı.
Otyrys barysynda aldyn alu şaralaryn, vedomstvoaralyq ıs-qimyldy, tyiym salynǧan zattardyŋ ainalymyna baqylaudy küşeitu, sondai-aq olardy ötkızudı jäne jarnamalaudy jüzege asyratyn tūlǧalarǧa qatysty den qoiu şaralaryn qabyldau qajettıgıne basa nazar audaryldy.
Sonymen qatar esırtkı qylmysyna, kiberalaiaqtyqqa, temırjol kölıgındegı jük ūrlyǧyna qarsy ıs-qimyl, poezdar qozǧalysynyŋ qauıpsızdıgın qamtamasyz etu jäne terroristık sipattaǧy jalǧan habarlamalardyŋ aldyn alu mäselelerı qaraldy.
Otyrys qorytyndysy boiynşa jolauşylardyŋ qauıpsızdıgın qamtamasyz etuge jäne kölık infraqūrylymy nysandarynda qūqyqtyq tärtıptı nyǧaituǧa baǧyttalǧan ūsynystar äzırlendı.
