Er adam Almatyda sirek kezdesetın qar barysyn jaqynnan videoǧa tüsırgen, dep habarlaidy “Adyrna” ūlttyq portaly Tengri Travel-ge sıltep.
Almaty tūrǧyny jyrtqyşty Alma-Arasan şatqalynda kezıktırgen.
Qar barysy teŋız deŋgeiınen şamamen 1700-2500 metr biıktıkke deiın tömendegen. Ädette asa saq keletın jyrtqyş tek biık taularda ornatylǧan fototūzaqtarǧa ǧana tüsetın. Tüsırılım kezınde barys aŋ aulap, oljasyn jep jatqan.
Sirek kadrlardyŋ avtory — käsıpker Anatolii Gaipov. Onyŋ aituynşa, jyrtqyş onymen şamamen 30–40 metr qaşyqtyqta bolǧan.
«Aldymen adrenalin boldy, keiın sabyr men jinaqylyq keldı. Mūndai sirek sättı mındettı türde kameraǧa tüsıru kerek dep oiladym», — deidı ol.
Anatolii Alma-Arasan şatqalyna jaqyn jerde tūrady. Ol būǧan deiın aiu men qasqyrlardy alystan körgenımen, jabaiy januarmen mūnşalyqty jaqyn kezdesuı alǧaş ret bolǧanyn aitady.
