Astanada “Astana Winner 2026” halyqaralyq körmesı EXPO halyqaralyq körme ortalyǧynda ötıp jatyr, dep habarlaidy "Adyrna" ūlttyq portaly.
Körmege 350-den astam it qatysyp, türlı elderden kelgen kinologtar men halyqaralyq sarapşylar jinaldy. Qatysuşylar arasynda Vengriia, Şveisariia jäne Qytai elderınıŋ mamandary bar.
Is-şaraǧa Halyqaralyq kinologiialyq federasiianyŋ (FCI) prezidentı Tamaş Iаkkel qatysty. Ol Qazaqstannyŋ ūiymǧa tolyqqandy müşe boluyn maŋyzdy qadam retınde atap öttı.
Körmede erekşe nazar qazaq tazysy tūqymyna audy. Şarada 60-tan astam tazy ūsynyldy. FCI prezidentı mūndai kölemde bır jerde tazyny alǧaş ret körgenın aitty.
"FCI prezidentı retınde Qazaqstandy ūiymnyŋ tolyqqandy müşesı retınde qūttyqtaǧym keledı. Bızdıŋ otbasymyzǧa qoş keldıŋızder!" - dedı ol ıs-şarada.
Qazaqstan kinologtar odaǧynyŋ mälımetınşe, körme barysynda it tūqymdarynyŋ standartqa säikestıgı baǧalanyp, asyldandyruǧa rūqsat beru tärtıbı saqtalady. Mamandardyŋ aituynşa, būl şaralar tūqymdardyŋ tazalyǧyn saqtauǧa jäne seleksiialyq jūmysty retteuge mümkındık beredı.
