Äzılkeş Nūrlan Saburov Reseige 50 jylǧa kıruge tyiym salynǧannan keiın, Dubai qalasynda ötken konsertınde Reseide resmi qūjat aluǧa tyrysqanyn, alaida orys tılı boiynşa testten öte almaǧanyn aitty, dep habarlaidy “Adyrna” portaly RİA Novostige sıltep.
Saburovtyŋ konsertı 7 mamyr künı Dubai Opera ǧimaratynda ötken.
“Men Reseidıŋ köşı-qon saiasatyn qoldaimyn. Reseide resmi qūjat aluǧa tyrystym… negızınen mūny salyq mäselesıne bailanysty jasadym”, –dedı Saburov.
Komiktıŋ aituynşa, qūjat alu üşın orys tılınen test tapsyru qajet bolǧan. Ol emtihandy jūbaiymen bırge tapsyrǧan.
«Äielım ekeumız bır partada otyrdyq… Sūraqtar qiyn boldy. Mysaly, Rustıŋ şoqyndyryluy qaşan bolǧany turaly sūrady. Nätijesınde äielım öttı, al men öte almadym”, — dedı ol.
Konsert barysynda Saburov körermenderden sözderın videoǧa tüsırmeudı bırneşe ret sūrady. Onyŋ aituynşa, aitylǧan pıkırler konteksten jūlynyp alynuy mümkın.
Reseige kıruge tyiym salynǧannan keiın qaŋtar aiynda Saburov tuǧan jerı – Qazaqstanǧa oralǧan. Sonymen qatar, Qazaqstan Respublikasy Ūlttyq qauıpsızdık komitetı komikke qatysty tekseru bastalǧanyn habarlady. Alaida tekserudıŋ naqty qai bap boiynşa jürgızılıp jatqany äzırge jariialanǧan joq.
