2025 jyldyŋ qorytyndysy boiynşa Qazaqstan men İran arasyndaǧy tauar ainalymy 450 mln dollardy qūrady. Būl turaly vise-premer Serık Jūmanǧarin mälımdedı, dep habarlaidy «Adyrna» tılşısı.
Ol Taiau Şyǧystaǧy jaǧdaiǧa bailanysty biyl sauda qarqynynyŋ baiaulauy kütıletının jetkızdı.
«Būl qazırgı Parsy şyǧanaǧyndaǧy qaqtyǧyspen bailanysty bolyp otyr. Jalpy maqsat — tauar ainalymyn 3 mlrd dollarǧa jetkızu, bıraq äzırge būl qiyn», — dedı ol.
Vise-premerdıŋ aituynşa, kelısımşarttar jasalǧanymen, treiderler jūmysynda ırkılıs baiqalady.
«Öitkenı tölem jasauǧa qatysty täuekelder bar. İranmen eŋ ülken mäsele — tölem jüiesı. Būryn tölemder köbıne üşınşı elder arqyly jüzege asatyn», — dedı Serık Jūmanǧarin.
Ūqsas jaŋalyqtar
