Premer-ministr Oljas Bektenov Memleket basşysynyŋ ūlttyq jük äue kompaniiasyn damytu, sondai-aq teŋız jäne temırjol tasymaldaryn ūlǧaitu boiynşa tapsyrmalaryn oryndau mäselelerı jönınde keŋes ötkızdı.
Jiynda Kölık ministrlıgınıŋ, «Samūryq-Qazyna» ŪÄQ, «Qazaqstan temır joly» ŪK» jäne Turlov Private Holding jük äue kompaniiasynyŋ jūmysyn ūiymdastyru jäne onyŋ tūraqty damuyn qamtamasyz etu jönındegı täsılderı tyŋdaldy.
Tranzittık jük haby retınde Qytai – Qazaqstan – Batys Europa baǧyty boiynşa qolaily jaǧdai jasau üşın äue kemelerın kezeŋ-kezeŋımen şyǧarudy, bäsekelestık qūny boiynşa aviaotynmen qamtamasyz etudı qosa alǧanda, operasiialyq qyzmettı jedel ıske qosu mäselelerı qaraldy. Ilespe infraqūrylymdy damytuǧa, onyŋ ışınde äuejai quatyn, jük terminaldaryn, qoima logistikasyna nazar audaryldy.
Sonymen qatar Ortalyq Aziia öŋırınen Kavkazǧa jäne Batys Europa elderıne tasymaldau kölemın ūlǧaitu üşın qazaqstandyq «Aqtau» jäne «Qūryq» teŋız porttaryn tieu şaralary talqylandy.
Temırjol salasy boiynşa ötkızu qabıletın arttyru, sondai-aq tariftık saiasatty jetıldıru üşın infraqūrylymdy odan ärı jaŋǧyrtu jäne qazaqstandyq temırjol jelısın damytu josparlary aityldy.
Keŋes qorytyndysy boiynşa Premer-ministr bırqatar tapsyrma berdı.
