Qytai Halyq Respublikasynyŋ töraǧasy, Qytai Kommunistık partiiasynyŋ bas hatşysy Si Szinpin eldıŋ damuyna erekşe üles qosqan segız azamatqa partiianyŋ eŋ joǧary marapaty – «1 şılde» ordenın tabystady, dep habarlaidy «Adyrna» tılşısı.
Marapattalǧandardyŋ qatarynda qazaq därıgerı Oqas Süleimen de bar. Ol osy joǧary marapatqa ie bolǧan alǧaşqy qazaq atandy.
Oqas Süleimen 40 jyldan astam uaqyt boiy Şyŋjaŋ Ūiǧyr avtonomiialyq audanyndaǧy Dörbıljın audanynda eŋbek etken. Ol ondaǧan jyl boiy aptap ystyqqa, qaqaǧan aiazǧa jäne özge de qolaisyz aua raiyna qaramastan, şalǧaidaǧy malşylardyŋ qonystaryna atpen baryp, medisinalyq kömek körsetken.
Eŋbek jolynda därıger 100 myŋnan astam nauqasty qabyldap, myŋdaǧan adamnyŋ ömırın saqtap qalǧan jäne 3200-den astam säbidıŋ düniege keluıne kömektesken.
Aita keteiık, 2017 jyldyŋ 22 şıldesınen bastap qoldanysqa engızılgen «1 şılde» ordenı – Qytaidaǧy eŋ bedeldı partiialyq marapattardyŋ bırı. Osy uaqytqa deiın būl nagradaǧa nebärı 37 adam ǧana ie bolǧan.
