Astanada Ortalyq Aziiadaǧy sport ǧylymy men joǧary bılıktı mamandar daiarlau baǧytyndaǧy eŋ ırı bılım beru jobalarynyŋ bırı – Qazaq ūlttyq sport universitetınıŋ resmi aşylu räsımı öttı.
Saltanatty şara New Era of Sport: KNUS 2026 halyqaralyq forumy aiasynda ūiymdastyrylyp, oǧan memlekettık organdardyŋ ökılderı, halyqaralyq sport federasiialarynyŋ basşylary, olimpiadalyq qozǧalys müşelerı jäne akademiialyq qauymdastyq ökılderı qatysty.
Is-şaraǧa Qazaqstan Respublikasy Turizm jäne sport vise-ministrı Serık Jarasbaev, Bırıkken küres älemı ūiymynyŋ (UWW) prezidentı Nenad Lalovich, Halyqaralyq kibersport federasiiasynyŋ (IESF) prezidentı Vlad Marinesku, Düniejüzılık dopingke qarsy agenttıktıŋ (WADA) ökılı Piechota Rafal Lesze, sondai-aq halyqaralyq ūiymdardyŋ basşylary, şeteldık joǧary oqu oryndarynyŋ ökılderı, ūlttyq sport federasiialarynyŋ jetekşılerı, ǧalymdar men sarapşylar qatysty.
Universitettı soŋǧy bes jyl boiy jüielı türde jaŋǧyrtu jūmystarynyŋ alǧaşqy kezeŋınıŋ aiaqtalǧanyn bıldıretın maŋyzdy oqiǧa – jaŋa kampustyŋ aşyluy boldy. Osy uaqyt ışınde oqu orny halyqaralyq ärıptestıgın keŋeitıp, ǧylymi äleuetın nyǧaityp, joǧary jetıstıkter sporty, būqaralyq sport jäne sport industriiasy üşın mamandar daiarlaityn zamanaui bılım beru ekojüiesın qalyptastyrdy.
Qazaq ūlttyq sport universitetınıŋ qūryltaişysy Nūrasyl Medeu jaŋa kampustyŋ aşyluy Qazaqstanda sport salasyna arnalǧan zamanaui bılım beru jäne ǧylymi platformany qalyptastyru jolyndaǧy bes jyldyq jüielı jūmystyŋ nätijesı ekenın atap öttı. Onyŋ aituynşa, universitet uaqyt talabyna jauap beretın bılım ordasy retınde qūrylyp, bügınde halyqaralyq deŋgeide el namysyn qorǧai alatyn jattyqtyruşylardy, ǧalymdardy, sport därıgerlerın, pedagogter men sport menedjerlerın daiarlaityn maŋyzdy ortalyqqa ainalyp keledı.
«Bes jyldyŋ ışınde universitet bılımge ūmtylys, talant pen eŋbek toǧysqan ülken ortalyqqa ainaldy. Bügın bız berık ırgetas qalaǧanymyzdy maqtanyşpen aita alamyz. Aldymyzda būdan da auqymdy jetıstıkter, halyqaralyq moiyndalu, ǧylym men sporttaǧy jaŋa jeŋıster kütıp tūrǧanyna senımdımın. Qazaq ūlttyq sport universitetı ozyq bılım men innovasiianyŋ, bolaşaq chempiondar men el köşbasşylaryn tärbieleitın maŋyzdy ortalyqqa ainalady», – dedı universitettıŋ qūryltaişysy Nūrasyl Medeu.
Şara barysynda Bırıkken küres älemı ūiymynyŋ (UWW) prezidentı Nenad Lalovich Qazaqstannyŋ älemdık küres sportynyŋ damuyna qosyp otyrǧan ülesın joǧary baǧalap, halyqaralyq talaptarǧa sai sportşylardy, jattyqtyruşylardy jäne sport menedjerlerın daiarlaityn zamanaui bılım beru bazasynyŋ maŋyzdylyǧyna toqtaldy.
Öz kezegınde Halyqaralyq kibersport federasiiasynyŋ (IESF) prezidentı Vlad Marinesku ūlttyq sport universitetınıŋ aşyluy dästürlı sporttyŋ, sifrlyq tehnologiialardyŋ jäne innovasiialyq bılım berudıŋ toǧysuyna negızdelgen jahandyq ürdıstıŋ aiqyn körınısı ekenın aitty. Onyŋ sözınşe, bügıngı taŋda kibersporttyŋ damuy myqty ǧylymi jäne akademiialyq negızsız mümkın emes, al Qazaq ūlttyq sport universitetımen ärıptestık bolaşaq mamandardy daiarlauda jaŋa mümkındıkterge jol aşady.
Saltanatty räsım aiasynda Bırıkken küres älemı ūiymynyŋ (UWW) prezidentı Nenad Lalovichke jäne Halyqaralyq kibersport federasiiasynyŋ (IESF) prezidentı Vlad Marineskuǧa «Qazaq ūlttyq sport universitetınıŋ Qūrmettı professory» ataǧy tabystaldy. Sonymen qatar studentterdıŋ akademiialyq adaldyqty, ädıl bäsekelestıktı, özara qūrmet pen sporttyq etikany ūstanuǧa degen ūmtylysyn bıldıretın Studentter hartiiasyna qol qoiu räsımı öttı.
Forum qonaqtaryna universitettıŋ innovasiialyq ǧylymi zerthanalary, ǧylymi-zertteu ortalyqtary men bılım beru habtary tanystyryldy. Delegasiialar sifrlyq infraqūrylymmen, zamanaui sport nysandarymen, ǧylymi jabdyqtarmen jäne sportşylardy daiarlauǧa, ǧylymi zertteuler jürgızuge ärı halyqaralyq bılım beru baǧdarlamalaryn jüzege asyruǧa arnalǧan keŋıstıktermen tanysty.
Bügınde Qazaq ūlttyq sport universitetı tek bılım beru mekemesı ǧana emes, sonymen qatar jaŋa buyn mamandaryn daiarlaityn, sport ǧylymyn damytatyn, innovasiialardy engızetın jäne älemnıŋ jetekşı sport ūiymdarymen halyqaralyq yntymaqtastyqty nyǧaitatyn halyqaralyq ortalyq retınde qalyptasyp keledı. Būl baǧyt Qazaqstannyŋ jahandyq sport keŋıstıgındegı bedelın arttyryp, halyqaralyq üzdık täjıribelerge negızdelgen zamanaui sporttyq bılım beru jüiesın damytuǧa mümkındık beredı.
