Premer-ministrdıŋ orynbasary - Mädeniet jäne aqparat ministrı Aida Balaeva sailaualdy nauqan kezınde jurnalister men blogerlerdıŋ qyzmetıne qatysty pıkır bıldırıp, olardyŋ zaŋ aiasynda erkın jūmys ısteuge qūqyǧy bar ekenın aitty, dep habarlaidy «Adyrna» tılşısı.
Ministrdıŋ sözınşe, Qazaqstan zaŋnamasyna säikes jurnalister käsıbi qyzmetı barysynda foto, audio jäne beinetüsırılım jürgızıp, aqparat tarata alady.
«Eŋ aldymen, jurnalister men blogerlerdıŋ zaŋ şeŋberınde öz qyzmetın erkın jüzege asyruǧa, sonyŋ ışınde foto jäne beinetüsırılım jürgızuge qūqyǧy bar ekenın atap ötkım keledı. Qazaqstan Respublikasynyŋ «Mass-media turaly» Zaŋyna säikes jurnalister käsıbi qyzmetı barysynda fotoǧa, audioǧa jäne beinege tüsıruge, sondai-aq aqparat taratuǧa qūqyly», – dedı Aida Balaeva.
Ol sondai-aq bırqatar būqaralyq aqparat qūraldary men blogerlerdıŋ äleumettık jelıdegı paraqşalarynyŋ būǧattaluyna qatysty pıkır bıldırdı.
«Jurnalister men blogerlerdıŋ käsıbi qyzmetıne nemese söz bostandyǧyna negızsız şekteu qoiyldy degen pıkır tuǧyzatyn kez kelgen äreket tek jekelegen jurnalister men blogerlerge ǧana emes, memlekettık organdardyŋ bedelıne de nūqsan keltıredı. Būl mäsele sailau nauqany kezınde airyqşa maŋyzdy. Mädeniet jäne aqparat ministrlıgı äleumettık jelı qoldanuşylarynyŋ, onyŋ ışınde būqaralyq aqparat qūraldary men jurnalisterdıŋ akkaunttaryn būǧattamaidy. Memleket te mūndai äreketterge nemese söz ben pıkır erkındıgın şekteuge müddelı emes. Kerısınşe, mūndai äreketter memleket pen onyŋ instituttarynyŋ bedelıne nūqsan keltırıp, olardy qoǧam aldynda terıs körsetuge paidalanyluy mümkın», – dedı ministr.
Ol äleumettık jelıler men onlain-platformalar äkımşılıkterın zaŋǧa qaişy kontenttı uaqytyly anyqtap, joiu jūmystaryn küşeituge şaqyrdy. Sonymen bırge zaŋsyz kontentpen küres söz bostandyǧyn negızsız şekteuge ūlaspauy tiıs ekenın eskerttı.
