Äzerbaijannyŋ bas prokuraturasy konstitusiialyq qūrylysty küşpen özgertuge, aumaqtyq tūtastyǧyn būzuǧa, ūlttyq arazdyqty qozdyruǧa jäne terrorizmge şaqyru boiynşa qylmystyq ıstı tergep jatyr, dep habarlaidy "Adyrna" tılşısı.
Report deregınşe, bas prokuraturada tergeu barysynda Resei azamattary – «Moskva 24» telearnasynyŋ jürgızuşısı ärı jurnalist İvan Kniazev, Reseide saiasi keŋesşı jäne media sarapşy retınde tanylatyn Semion Uralov jäne Resei kölık ministrınıŋ keŋesşısı, telejurnalist Aleksei Chadaevqa qatysty küdık paida bolǧan. Prokuratura deregıne säikes, atalǧan azamattar 2026 jylǧy 14 şıldede Semion Uralovtyŋ YouTube arnasynda jariialanǧan «Chistota ponimaniia» baǧdarlamasynda Äzerbaijanǧa qatysty küş qoldanuǧa, eldıŋ konstitusiialyq qūrylysyn küşpen özgertuge jäne aumaqtyq tūtastyǧyn būzuǧa şaqyrǧan. Sondai-aq olardyŋ sözderınde ūlttyq öşpendılık pen arazdyqty qozdyru belgılerı bolǧan.
Būdan bölek, prokuratura 13 tamyzda osy YouTube arnasynda jariialanǧan baǧdarlamada atalǧan tūlǧalar Äzerbaijanǧa qarsy küş qoldanu turaly pıkır bıldırıp, keibır adamdardy fizikalyq türde joiu qaupımen ūstau jäne olardy nysanaǧa alyp joiu jönınde söz qozǧaǧanyn habarlady. Osyǧan bailanysty olar terrorizmge jariia türde şaqyrdy degen küdıkke ılıngen.
Osy faktıler boiynşa Äzerbaijannyŋ bas prokurory qylmystyq kodekstıŋ 214-2-baby (terrorizmge jariia türde şaqyru), 281.2-baby (memleketke qarsy baǧyttalǧan jariia ündeuler) jäne 283.2.1-baby (ūlttyq öşpendılık pen arazdyqty qozdyru) boiynşa qylmystyq ıs qozǧaǧan.
Aldyn ala tergeu bas prokuraturanyŋ tergeu basqarmasyna tapsyrylǧan. Jinalǧan dälelder negızınde Semion Uralov, İvan Kniazev jäne Aleksei Chadaev atalǧan baptar boiynşa aiyptaluşy retınde tanylǧan. Olar Äzerbaijan aumaǧynan tys jerde bolǧandyqtan, halyqaralyq ızdeuge jariialanǧan. Sot şeşımderımen üşeuıne de qamauǧa alu türındegı būltartpau şarasy taŋdalǧan. Bas prokuratura aiyptaluşylardyŋ jürgen jerın anyqtau, olardy ūstau jäne Äzerbaijanǧa beru maqsatynda serıktes memleketterdıŋ qūzyrly organdaryna tiıstı ötınışter joldanǧanyn habarlady.
Sonymen qatar olardy İnterpol arnalary arqyly halyqaralyq ızdeuge jariialau boiynşa qajettı şaralar qabyldanyp jatyr
