Foto Jİ kömegımen jasalǧan
Qazaqstan azamaty Gruziiada esırtkı jäne psihotroptyq zattar sanatyna jatqyzylǧan därını alyp jürgenı üşın sottaldy, dep habarlaidy “Adyrna”.
Politico deregınşe, İvan Chekulaev 16 jylǧa bas bostandyǧynan aiyryldy.
44 jastaǧy jük kölıgınıŋ jürgızuşısı säuır aiynda Gruziianyŋ Poti portynda ūstalǧan. Onyŋ därı qobdişasynan belınıŋ qatty auyrsynuyna bailanysty emdık maqsatta qoldanǧan preparat tabylǧan. Alaida Gruziia zaŋnamasyna säikes, būl därı esırtkı jäne psihotroptyq zattar qataryna jatady.
Sottalǧan azamattyŋ otbasy alty ai boiy ony bosatuǧa äreket jasaǧan. Tuystary preparatty Germaniiadaǧy därıgerdıŋ taǧaiyndaǧanyn aityp, onyŋ medisinalyq maqsatta qoldanylǧanyn däleldeuge tyrysqan. Degenmen sot ony kınälı dep tanyp, 16 jylǧa bas bostandyǧynan aiyru turaly ükım şyǧarǧan.
Qazaqstan SIM mälımetınşe, diplomattar būl ıstı bastapqy kezeŋnen berı baqylauda ūstap keledı. Konsuldyq qyzmetkerler sottalǧan azamatpen kezdesıp, sot otyrystaryna qatysqan, qorǧauşy tabuǧa kömektesken jäne onyŋ tuystarymen bailanys ornatqan.
«Diplomattar azamatqa konsuldyq-qūqyqtyq kömek körsetudı jalǧastyrady», — dep habarlady vedomstvo.
Al jürgızuşınıŋ otbasy sot ükımımen kelıspei, apelliasiialyq şaǧym tüsıruge niettı. Oǧan bır ai uaqyt berılgen. Sottalǧan azamattyŋ jūbaiynyŋ aituynşa, Gruziiadaǧy därıgerler küieuınıŋ diagnozyna kümän keltırmegen. Ol neirohirurgtıŋ baqylauynda emdelgenımen, sotta öz kınäsızdıgın däleldei almaǧan.
