Jazuşy, "Qazaq ädebietı" gazetınıŋ bas redaktory Däuren Quat mobilizasiia, el men jer, ūlttyq müdde jaiyna qatysty mäsele köterıp, qoǧamǧa oi saldy dep habarlaidy "Adyrna" ūlttyq portaly.
Şyǧarmalarynan qazaqylyqtyŋ isı aŋqyǧan azamat öz jazbasynda:
"Qazaqstannyŋ temırjol vokzaldarynda Reseiden qaşyp, bosyp kelıp jatqandardyŋ aldynan ystyq bauyrsaq pen buy būrqyraǧan ystyq şai alyp şyǧyp qarsy aluşylar köbeiıptı. Ne degen qonaqjailylyq, netken darhandyq deseŋşı?!. Osylar osy ısterımen QR qūyq būzuşylyq äkımşılık kodeksıne qarsy äreket jasap jürgenderın bıle me eken özı?" - dep öz oiyn jetkızdı.
Sonymen qatar, mobilizasiiadan qaşqandar men alystan atajūrtyn aŋsap keletın qandastar jaǧdaiyn salystyryp, azamattyq ūstanymyn jetkızdı:
"Oiǧa tüsedı. Özbekstannan, Qytai men Moŋǧoliiadan, İrannan qanşa qazaq zaŋdy türde köşıp keldı. Solardyŋ aldynan qūşaǧyn jaiyp, aŋqyldap şyqqan qazaq, iä, elımızde jasaityn özge ūlt ökılı boldy ma? Qandastarymyz jür Qazaqstannyŋ "jetı basty" aidaharlary küzetetın keŋselerge kıre almai, kırse, şaruasyn bıtıre almai.Au, darhan jürektı, asa qonaqjai halqym! Özgege köl bolyp, özıŋe kelgende nege şöl bola qalasyŋ? Älde qūldyǧyŋ oiyŋa oralyp, qūrdai jorǧalatyp jıbere me senı? Solai siiaqty..." - dep naqtylady avtor.
Avtordyŋ uäjıne qatysty " Mıne, bızdıŋ sanamyzdy äbden ulaǧany sonşa, jauyŋ qaisy dosyŋ qaisysy ekenın ajyrata almaityn hälge jetkenımızdıŋ dälelı", "Jat tılde söilep, tärbie alǧandar el-jūrt qandas degen ūǧymǧa jat qimyldar jasaidy" degen syndy pıkır bıldırdı oqyrmandar.
"Adyrna" ūlttyq portaly
Ūqsas jaŋalyqtar
