Qadırlı bauyrlar!
«Qazaq halqynyŋ mūrasy» kıtaptar seriiasynyŋ Ūlt qūndylyqtaryn saqtau men nasihattauǧa baǧyttalǧan Qazaq küntızbesınde 15 qazan – Memlekettık tıl künı bolyp belgılengen. Būl kün qazaqtyŋ körnektı saiasi jäne qoǧam qairatkerı Säken Seifullinnıŋ tuǧan künıne orailastyryldy. Barlyqtaryŋyzdy osynau män-maŋyzy tereŋ, tuǧan tılımızdıŋ abyroiyn asqaqtatuǧa baǧyttalǧan aituly künmen şyn jürekten qūttyqtaimyn!
Būl kün bızdı qazaqtyŋ Alaş ziialylarynyŋ eŋbegımen qauyştyryp, olardyŋ jolyn jalǧastyrǧan azamattarymyzdyŋ ūltqa qyzmetın paş etedı jäne osy arqyly jas ūrpaqqa ūlttyq tärbie berudı közdeidı.
Sanaly ǧūmyryn qazaqtyŋ ırgelenuıne arnaǧan S.Seifullin öz däuırınde qazaq tılınıŋ memlekettık tıl märtebesın aluyna ülken eŋbek sıŋırgen tarihi tūlǧa. Ol Halyq komissarlary Keŋesınıŋ Töraǧasy qyzmetınde jürıp «Keŋse ısterın qazaq tılınde jürgızu kerek» - dep arnaiy mäsele köterıp,
osynyŋ nätijesınde 1923 jylǧy qaraşada jaryq körgen Dekretpen Qazaq tılıne memlekettık tıl därejesı berıldı. Osy qyzmette jürıp ol A.Baitūrsynūlynyŋ 50-jyldyǧyn atap ötudı, qazaq kinosyn qarjylandyru ısın, Qoja Ahmet Iasaui kesenesın restavrasiialauǧa qarjy bölu, A.Zataevichke qazaq än-küilerın jinatu ısın qolǧa aldy. Al «Qazaqty qazaq deiık, qatenı tüzeteiık» maqalasynda «…memleket atyn «Qazaq Respublikasy» dep özgertıp, memlekettık tıl qazaq tılı bolu kerek» - dep būl mäselege nükte qoidy. Araǧa az uaqyt salyp baryp 1925 jyly Qyrǧyz ASSR-ı atauy Qazaq ASSR-ı bolyp özgertıldı.
Ūlylarymyz atqarǧan osy eŋbekter bızdıŋ ūrpaqqa da jauapkerşılık artady. Endeşe äruaqytta da ūlt müddesın esten şyǧarmaiyq. Memlekettık tılımız jasai bersın!
Ūqsas jaŋalyqtar
Qūrmetpen, Mūhtar Şahanov, Qazaqstannyŋ Eŋbek erı
