Işkı ıster ministrı Marat Ahmetjanov eskertu jazasyn qoǧamdyq jūmystarǧa almastyrudy ūsyndy, dep habarlaidy “Adyrna” ūlttyq portaly
Ministr Konstitusiianyŋ jaŋa özgerısterıne säikes qoǧamdyq jūmystardy sot qaulysymen de taǧaiyndauǧa rūqsat etılgenın eske saldy.
"Sol sebeptı "eskertu" siiaqty jazany "qoǧamdyq jūmystarǧa" auystyrudy ūsynamyz. Būl qūqyqbūzuşy üşın zaŋdy būzbauǧa jetkılıktı motivasiia bolady dep sanaimyz", - dedı Ahmetjanov ükımet otyrysynda.
Ministrdıŋ aituynşa, qazır ädılet ministrlıgı qoǧamdyq jūmystardy zaŋnamalyq retteu mäselesın pysyqtap jatyr. Al äkımder qoǧamdyq jūmystardyŋ türlerı men kölemın anyqtap, jūmys oryndaryn daiyndauy qajet.
Tiıstı baqylaudy ışkı ıster ministrlıgı jürgızedı. Sondai-aq IIM tūrmystyq zorlyq-zombylyqqa baratyndar üşın psiho-tüzetu kurstaryn engızudı josparlap otyr.
Sonymen qatar otbasylyq-tūrmystyq saladaǧy qūqyqbūzuşylyqtar boiynşa jazany qataŋdatu közdelgen. Qaitalanǧan qūqyqbūzuşylyqtar üşın äkımşılık qamauǧa alu merzımın 20-dan 25 täulıkke deiın ūzartu ūsynyldy.
