Memleket basşysy Qasym-Jomart Toqaevtyŋ 2021 jylǧy 1 qyrküiektegı Qazaqstan halqyna Joldauynda «halyq qatysatyn biudjet» tabysty engızılgenın atap öttı, dep habarlaidy «Adyrna» tılşısı.
Memleket basşysy Joldauda: «Jergılıktı özın-özı basqarudy damytu –basym baǧyttyŋ bırı. «Halyq qatysatyn biudjet» ortalyqqa baǧynatyn qalalar men oblys ortalyqtaryna tabysty engızıldı. Azamattardyŋ naqty sūranysyna säikes ondaǧan abattandyru jobasy jüzege asyryldy. Būl – jaqsy täjıribe. Endı abattandyru jäne tūrǧyn-üi kommunaldyq şaruaşylyǧynyŋ biudjetındegı «halyq qatysatyn» ülestı 10 ese arttyru kerek»,-degen bolatyn.
Būl baǧyttaǧy jūmystar Aldmaty qalasyna qarasyt almaly audanynda da atqarylyp keledı. Būl turaly Erbolat Dosaev tūrǧyndarmen kezdesu kezınde mälımdedı.
Biyl «Halyq qatysatyn biudjet» baǧdarlamasy boiynşa Almaly audanynda 800 mln. teŋge somasyna 39 joba 100% oryndaldy.
Onyŋ aituynşa, avtosuǧaru jüiesımen jabdyqtau jūmystary aiaqtaldy. «ARO», «AZTM» 2 skverı, sondai-aq Abai daŋǧylynan Töle bi köşesıne deiın, Gagarin, Baitūrsynov köşesınen Şärıpov köşesıne deiın, Bögenbai batyr jäne Abylai han daŋǧylynan Nauryzbai batyr köşesıne deiın, Qarasai batyr köşelerındegı bulvarlar keşendı türde kögaldandyryldy.
Sondai-aq 8 qoǧamdyq jäne 21 aula oryndary abattandyryldy. 1 sport jäne 1 balalar alaŋy, 1 itterdı seruendetuge arnalǧan alaŋ, 3 kömılgen qoqys alaŋy salyndy,
2 alaŋnyŋ rezeŋke jabyny jaŋartyldy jäne 21 aula jöndeldı.
"2023 jylǧa dauys beru qorytyndysy boiynşa berılgen 171 ūsynystyŋ ışınen 800 mln. teŋge somasyna 18 joba aldyn ala ırıktep alyndy", - dedı qala äkımı baiandamasynda.
Ūqsas jaŋalyqtar
