Amerika qūrama ştattarynda qazaq tılınde oqytatyn bılım şaŋyraǧy aşylady. Belsendıler mektepten bölek, öskeleŋ ūrpaqty ūlttyq ruhta tärbieleu üşın dombyra jäne än-küi üiırmesın qosa aşudy josparlap otyr. Būl jaily "Adyrna" ūlttyq portaly habarlaidy.
AQŞ astanasy Vaşingtonda qazaq mektebı aşylady. Sebebı, balasyna ana tılınde bılım bergısı keletın ata-analar qatary jyl sanap artyp keledı. Jat jūrtta qazaqtardyŋ öz tamyrynan ajyrap qalmauy üşın qazaq-amerikan qauymdastyǧy bırqatar betbūrystarǧa den qoiuǧa daiar.
- Qazır qarap otyrsaq bes, alty jasqa kelgen balalar bar. Qazaq tılın oqimyz dep jatyr. Qazaqstannan oqulyq äkelıp jatyrmyz. Tıldı saqtau ülken maqsat bızdıŋ. Tıldı, dästürdı saqtau. Erteŋ bız qazaqpyz, bız Otanymyz joq, tamyrymyz joq emes, elımız bar, tamyrymyz bar, dästürımız bar dep sondai balalar össın dep oilaimyz, - deidı Qazaq-amerikan qauymdastyǧynyŋ jetekşısı Darhan Nūrmahanbet.Qazaq tıldı mektepten bölek, öskeleŋ ūrpaqty ūlttyq ruhta tärbieleu üşın belsendıler dombyra üiırmesı aşylyp, «Balausa» attty hor qūrylmaqşy. AQŞ-ta alpysynşy jyldary nebärı jiyrmaǧa juyq qazaq otbasy bolsa, qazırgı taŋda qandastardyŋ qatary eselıp ösıp, sany 100 myŋǧa juyqtaǧan. Onyŋ bır bölıgı Türkiia, Moŋǧoliia, Qytai sekıldı memleketterden kelgen qandastar. Qazaq diasporasynyŋ eŋ köp şoǧyrlanǧan jerı - Niu-Iork qalasy. Odan keiıngı orynda Maiami, Los-Anjeles pen Chikagoda qalalary köş tüzeidı.
"Adyrna" ūlttyq portaly
AQŞ
Qazaqstan
qytai
#ǧylym
bılım
amerika qūrama ştattary
#Qandastar
#qazaq_mektebı
bılım saiasaty
türkiia qazaqtary
