Astanada Qazaqstannyŋ eks-prezidentı Nūrsūltan Nazarbaevtyŋ küieu balasy Timur Qūlybaevtyŋ senımdı serıktesı (orda.kz portalynyŋ zertteuı boiynşa) ärı jas käsıpker Marat Äbievtıŋ yqpalymen bastau alǧan jiynnyŋ soŋy mitingke ūlasty. Aqyrynda, Marat Äbievtı polisiia ūstap äkettı. Būl jaily "Adyrna" ūlttyq portaly habarlady.
Timur Qūlybaevtyŋ senımdı serıktesı Marat Äbievtıŋ "Genesis" atauymen bastalǧan ülken jiyny şeruge ūlasty. Qūqyq qorǧauşylar būdan būryn da är audannan avtobustarmen aǧylǧandardy orta jolda toqtatyp, şeruşılerdı kerı qaitarǧan. Äzırge Astanada bolyp jatqan oqiǧaǧa qatysty naqty mälımet joq. Videoda şeruletkenderdıŋ "Keruen-Sarai" audanyna bet alǧandyǧy baiqalady. Elordada kün ūzaǧyna internet bailanysynyŋ öşırılgendıgı jaily oqyrmandar jazyp jatyr.
Qolda bar derekterge sensek, Marat Äbievtıŋ jobasyn qoldau üşın petisiiaǧa 350 000 adam qol qoiǧan. Alaida qazır Äbievtıŋ jobasyna qatysty sait jūmys ıstep tūrǧan joq. Özın polisiia ūstap äkettı.
Şamamen bır saǧat būryn jastardyŋ ülken toby da osylai qūryqtaldy. Ūstalǧandardyŋ betınde qyzyl bandanalar, qoldarynda dauys ūlǧaitqyş qūraldar bolǧan. Köterılıs sebepterı - belgısız. Poliseiler qala köşelerın älı toruda. İnternet bailanys qalpyna keltırıldı.
Basty fotonyŋ avtory - Tamara Vaal.
"Adyrna" ūlttyq portaly
Ūqsas jaŋalyqtar
