QR Mäjılısınıŋ deputaty, aqyn Qazybek İsa Resei elşısınıŋ "oiǧa - qonymsyz, aqylǧa - cyiymsyz, ıske - jaramsyz" mälımdemesıne jauap berdı. Deputat Resei elşısınıŋ öz ornyn bılıp, Qazaq elınıŋ ışkı saiasatynan boiyn aulaq ūstauyn qadap aitty. Özınıŋ ekı aiaqpen şatqaiaqtamai teŋ, nyq tūrǧysy kelse, qazaq tılın üirenuın talap ettı. Būl turasynda "Adyrna" ūlttyq portaly jazdy.
- ...Reseidıŋ Qazaqstandaǧy ökılettı elşısı Aleksei Borodavkin: “Ärbır qazaqstandyq ekı aiaqta nyq tūruy tiıs: bırı memlekettık tıl – qazaq tılı, ekınşısı, Qazaqstan Konstitusiiasynda körsetılgendei resmi tıl –orys tılı. Būl ekı aiaqtyŋ ekeuı de bırdei bolǧan jaǧdaida ǧana alǧa qadam basa alatynyn eskeru kerek”-deidı.Özge elge ne ısteudı üiretıp, özeurep, “ekı tıldı bılgen ekı aiaǧymen nyq tūryp, alǧa qadam basa alady” dep pälsapa soǧyp otyrǧan elşıge öz sözınen ūstap alyp, eskertuımız bar bızdıŋ de! Sonda tek Resei tılın ǧana bıletın bızdıŋ eldegı orys etnostary 31 jyldan berı qaşanǧy bır aiaǧymen tūrady? Qaşan alǧa basady? Özge tılde ǧana - iaǧni bır aiaǧymen ǧana ūzaq tūrǧan adam qūlaitynyn ūmytpau kerek, elşı Boradavkin myrza! Aitpaqşy, sız bızdıŋ elde elşı bolǧanyŋyzǧa biyl bes jyl boldy, özıŋız älı bır aiaqpen jürsız ǧoi, qaşan qazaq tılın bılıp, nyq tūrasyz? - dep örlık körsettı deputat.
Mūnymen qosa, Qazybek İsa Qazaq elınıŋ Syrtqy ıster ministrlıgınen de batyldyqty, örlık pen ötkırlıktı talap ettı. Resei elşın Täuelsız Qazaq elınıŋ saiasatynan boiyn aulaq ūstauǧa şaqyrdy.
- Täuelsız Qazaq Elı azamattarynyŋ qai tılde söileuın nūsqap körsetetındei bilıktı Resei elşısıne kım berıp otyr? Täuelsız qazaq elınıŋ qai tılde söileu kerektıgınde Resei elşısınıŋ ne şaruasy bar? Syrtqy ıster ministrlıgı syrt qala bere me taǧy, būǧan qandai qairat körsetedı? Bızdıŋ Reseidegı keşegı-bügıngısı bar, elşılerımızdıŋ qaisysy bolsa da, “Bır millionǧa juyq qazaq tūratyn Reseide nege bır qazaq mektebı joq?!.-dep aita ala ma? Tek İmanǧali Tasmaǧambetovtyŋ ǧana elşı kezınde Reseide qazaq tılınde söilegenın bılemız.Būl elşı A.Borodavkin 2018 jyly da: “El basşylyǧy orys tılınde söileidı, tek öz aralarynda ǧana emes, Qazaqstan halqyna ündeu jasaǧan kezde de", - dep, astamsi jauap bergen bolatyn “Rossiia 24" telearnasyna bergen sūqbatynda. Bır jaǧynan Resei elşısı aşy şyndyqty, Qazaq bilıgınıŋ Resei tılınde söileitının aşyq aityp otyr.Jalpy, Resei elşısınıŋ būdan tört jyl būrynǧy da, keşegı de sözıne qarasaŋ, Täuelsızdık alǧanyna 31 jyl tolyp otyrǧan Qazaqstan älı Reseidıŋ guberniiasy sekıldı…Sondyqtan da biyl 27 säuırde Keŋes odaǧy imperiiasynyŋ 70 jylyn aitpaǧanda, Täuelsızdık alǧan 30 jylda, barlyǧy 100 jylda tūŋǧyş ret parlamentte Konstitusiiadaǧy tıl turaly 7 bapty özgertıp, tek Qazaq tılıne ǧana jekedara Memlekettık status berudı jäne Memlekettık tıldı mındetteitın zaŋ qabyldaudy talap etken “Aq jol” fraksiiasynyŋ deputattyq saualyn jariialaǧanbyz. Osy deputattyq saualda “Aq jol” talaidan köterıp kele jatqan Qazaqstan Azamattyǧyn alu üşın memlekettık tılden emtihan tapsyrudy taǧy da ūsynǧanbyz. Būl mäsele şeşılıp jatqanyn jaqynda Ükımet basşysy Ä. Smaiylovtyŋ özı mälımdedı. Al Memlekettık tıl turaly zaŋ qabyldau mäselesı älı sozylyp kele jatyr.2020 jyly “Qazaq ünı” ūlttyq portalyndaǧy Memlekettık tıl turaly zaŋ qabyldaudy, konstitusiiadan 7 baptyŋ 2 tarmaǧyn alyp tastaudy talap etıp, QR Prezidentıne jazylǧan Aşyq hatqa bır jarym aida älemge äigılı Ūlt ziialylary bastaǧan 126 myŋ adam qol qoidy. Būl qoldau qazır 130 myŋǧa jettı. Artynda milliondar tūrǧan, Memlekettık tıl turaly zaŋdy talap etken Aşyq hatqa estitın memleketımız Ädılettı Qazaqstanda ädılettı qaraidy dep bılemız. Bügıngı künnıŋ eŋ basty mäselesı - Memlekettık tıl mıselesı! Tıl taǧdyry şeşılmei, El taǧdyry şeşılmeidı! - dep qadap aitty Qazybek İsa.
"Adyrna" ūlttyq portaly
Ūqsas jaŋalyqtar
Qazaqstan
Qazaq tılı
Qazybek İsa
#qazaq_jerı
Egemen Qazaqstan
Jaŋa Qazaqstan
tıl märtebesı
qazaq elı
resei elşısınıŋ mälımdemesı
