Syrtqy ıster ministrı Mūhtar Tıleuberdı Qazaqstannyŋ Reseige qarsy sanksiialarǧa qosylmaitynyn mälımdedı. Ol būl turaly japondyq NHK telearnasyna sūhbat berdı, dep habarlaidy “Adyrna” ūlttyq portaly.
"Bız Reseige qarsy sanksiialarǧa qosylmaimyz, bıraq sonymen bırge respublika ekonomikasyn ärtürlı käsıporyndar şekteu şaralaryn ainalyp ötu üşın paidalanbaidy degen qaǧidany ūstanamyz", – dedı ol.
Onyŋ aituynşa, Resei men Qazaqstandy tyǧyz ekonomikalyq qatynastar bailanystyrady. Ol Reseige qarsy sanksiialar Qazaqstan ekonomikasyna da kerı äserın tigızedı dep tüsındırdı.
Sonymen qatar, ol Qazaqstan Mäskeumen de, Kievpen de dostyq qarym-qatynasta ekenın eske saldy.
"Resei men Ukraina – Qazaqstannyŋ sonau tarihtan berı dostary. Prezident Toqaev ekı eldıŋ köşbasşylarymen ünemı bailanysta bolyp, olardyŋ özara beibıtşılıkke keluıne şaqyrady", – dep atap öttı ministr.
