Özbekstanda tūmauǧa qarsy ündı därmegıne jügınıp, Dok-1 Maks preparatyn qoldanǧan 19 bala qaitys boldy. Taǧy bır bala JRVİ-ǧa qarsy ündılık därıden ulanyp, emhanaǧa jetkızıldı, dep habarlaidy "Adyrna" ūlttyq portaly.
- Jötelge qarsy sirop ışken bala jansaqtau bölımıne jetkızıldı, - dep habarlaidy Özbekstan Ūlttyq aqparat agenttıgı Ferǧana qalasynyŋ densaulyq saqtau basqarmasyna sılteme jasap.Ulanǧan bala Kuvasai qalasynyŋ tūrǧyny, 2019 jyly tuǧan. Qazır oǧan qabyldau-diagnostika bölımınde anamnez jazyldy, bala jansaqtau bölımıne jatqyzyldy. Onyŋ aǧzasyna uly sūiyqtyq 2022 jyldyŋ 28 jeltoqsanda tüsken, bıraq egjei-tegjeiı qazır ǧana belgılı boldy. Naqtylai keteiık, 2022 jyldyŋ 27 jeltoqsanynda Samarqandta 19 balanyŋ ölımı rastaldy. Olardyŋ barlyǧy atalǧan preparatty qabyldaǧannan keiın qaitys boldy. Odan keiın 31 jeltoqsanda taǧy 10 bala ündılık preparattardy qabyldap, auruhanaǧa tüsken. Oqiǧadan keiın eldıŋ Densaulyq saqtau ministrlıgı uyttylyqqa qatysty tekseruler men zertteulerdı bastady. Dok-1 Maks partiiasynda etilenglikol tabyldy, ol dūrys qabyldanbaǧan jaǧdaida densaulyqqa eleulı problemalar tuǧyzuy mümkın. Anyqtalǧandai, ata-analar suyq tiiuge qarsy därı-därmektı öz betınşe nemese farmasevtterdıŋ ūsynysy boiynşa satyp alyp, balalarǧa normadan aitarlyqtai asyp tüsetın mölşerde bergen.
"Adyrna" ūlttyq portaly
Ūqsas jaŋalyqtar
