Taldyqorǧan qalasyndaǧy Nazarbaev Ziiatkerlık mektep oquşylarynyŋ jobasy - naşar köretın jäne zaǧip jandarǧa arnalǧan közıldırık Mysyr elın taŋ qaldyrdy.
Kairde ötken «Ai forum» jastar forumynda bıregei joba tanystyryldy. Älemnıŋ 26 elınen kelgen ondaǧan komandalar önerkäsıptık revoliusiia, jasandy intellekt, blokchein, öner jäne ekologiia salasyndaǧy proektılerımen bölıstı.
Forum 10-14 qaŋtar aralyǧynda jalǧasty. Är taqyryp boiynşa därıster men seminarlar ötkızıldı.
Men jasandy intellekt seksiiasynda jobamdy ūsyndym. Bızdıŋ joba qazylar alqasy men körermenderdıŋ jaqsy baǧasyn aldy. Osy önertabyspen bız byltyrdan berı ainalysyp kelemız. Sondai-aq osy forumda bız üşın tanymdyq ekskursiia ūiymdastyryldy, būl şyǧarmaşylyq bastamany damytuǧa kömektesetını sözsız, — deidı joba avtorlarynyŋ bırı, 12 synyp oquşysy Viktor Kahno.Viktor Kahno, Maksim Surin, Mirhaiat Deni nou-hauy ekınşı jyl qatarynan Enactus World Cup studenttık käsıpkerlıktıŋ finalistı atandy. Ötken jyly balalarǧa NARXOZ universitetınıŋ memlekettık grantynyŋ sertifikattary tabys etıldı. Eske salaiyq, naşar köretın jäne zaǧip jandarǧa arnalǧan közıldırık kameranyŋ kömegımen, arnaiy sensormen jūmys ısteidı. Būl kameranyŋ jūmys ısteuı üşın oquşylar arnaiy baǧdarlama kodyn jazdy. Osylaişa, infraqyzyl tolqyndardyŋ arqasynda tehnologiia obektılerge, kölıktıŋ kez kelgen türıne, baǧdarşamdarǧa, jol belgılerıne, velosipedşıler men adamdarǧa deiıngı qaşyqtyqty anyqtai alady. Jas äzırleuşıler avtonomdy közıldırıkterdıŋ kömegımen qala boiynşa öz betınşe jäne qauıpsız qozǧaluǧa bolady deidı, osylaişa zaǧip adamdardyŋ kündelıktı ömırın aitarlyqtai jeŋıldetedı degen qorytyndyǧa keldı.
Ūqsas jaŋalyqtar
