تالدىقورعان قالاسىنداعى نازارباەۆ زياتكەرلىك مەكتەپ وقۋشىلارىنىڭ جوباسى - ناشار كورەتىن جانە زاعيپ جاندارعا ارنالعان كوزىلدىرىك مىسىر ەلىن تاڭ قالدىردى.
كايردە وتكەن «Ai forum» جاستار فورۋمىندا بىرەگەي جوبا تانىستىرىلدى. الەمنىڭ 26 ەلىنەن كەلگەن ونداعان كوماندالار ونەركاسىپتىك رەۆوليۋتسيا، جاساندى ينتەللەكت، بلوكچەين، ونەر جانە ەكولوگيا سالاسىنداعى پروەكتىلەرىمەن ءبولىستى.
فورۋم 10-14 قاڭتار ارالىعىندا جالعاستى. ءار تاقىرىپ بويىنشا دارىستەر مەن سەمينارلار وتكىزىلدى.
مەن جاساندى ينتەللەكت سەكتسياسىندا جوبامدى ۇسىندىم. ءبىزدىڭ جوبا قازىلار القاسى مەن كورەرمەندەردىڭ جاقسى باعاسىن الدى. وسى ونەرتابىسپەن ءبىز بىلتىردان بەرى اينالىسىپ كەلەمىز. سونداي-اق وسى فورۋمدا ءبىز ءۇشىن تانىمدىق ەكسكۋرسيا ۇيىمداستىرىلدى، بۇل شىعارماشىلىق باستامانى دامىتۋعا كومەكتەسەتىنى ءسوزسىز، — دەيدى جوبا اۆتورلارىنىڭ ءبىرى، 12 سىنىپ وقۋشىسى ۆيكتور كاحنو.
ۆيكتور كاحنو، ماكسيم سۋرين، ميرحايات دەني نوۋ-حاۋى ەكىنشى جىل قاتارىنان Enactus World Cup ستۋدەنتتىك كاسىپكەرلىكتىڭ ءفيناليستى اتاندى. وتكەن جىلى بالالارعا NARXOZ ۋنيۆەرسيتەتىنىڭ مەملەكەتتىك گرانتىنىڭ سەرتيفيكاتتارى تابىس ەتىلدى.
ەسكە سالايىق، ناشار كورەتىن جانە زاعيپ جاندارعا ارنالعان كوزىلدىرىك كامەرانىڭ كومەگىمەن، ارنايى سەنسورمەن جۇمىس ىستەيدى. بۇل كامەرانىڭ جۇمىس ىستەۋى ءۇشىن وقۋشىلار ارنايى باعدارلاما كودىن جازدى. وسىلايشا، ينفراقىزىل تولقىنداردىڭ ارقاسىندا تەحنولوگيا وبەكتىلەرگە، كولىكتىڭ كەز كەلگەن تۇرىنە، باعدارشامدارعا، جول بەلگىلەرىنە، ۆەلوسيپەدشىلەر مەن ادامدارعا دەيىنگى قاشىقتىقتى انىقتاي الادى.
جاس ازىرلەۋشىلەر اۆتونومدى كوزىلدىرىكتەردىڭ كومەگىمەن قالا بويىنشا ءوز بەتىنشە جانە قاۋىپسىز قوزعالۋعا بولادى دەيدى، وسىلايشا زاعيپ ادامداردىڭ كۇندەلىكتى ءومىرىن ايتارلىقتاي جەڭىلدەتەدى دەگەن قورىتىندىعا كەلدى.
