Mysyr elinde NIS oqýshylarynyń noý-haýy joǵary baǵalandy

4081
Adyrna.kz Telegram

Taldyqorǵan qalasyndaǵy Nazarbaev Zııatkerlik mektep oqýshylarynyń jobasy - nashar kóretin jáne zaǵıp jandarǵa arnalǵan kózildirik Mysyr elin tań qaldyrdy.

Kaırde ótken «Ai forum» jastar forýmynda biregeı joba tanystyryldy. Álemniń 26 elinen kelgen ondaǵan komandalar ónerkásiptik revolıýııa, jasandy ıntellekt, blokcheın, óner jáne ekologııa salasyndaǵy proektilerimen bólisti.

Forým 10-14 qańtar aralyǵynda jalǵasty. Ár taqyryp boıynsha dárister men semınarlar ótkizildi.

 Men jasandy ıntellekt sekııasynda jobamdy usyndym. Bizdiń joba qazylar alqasy men kórermenderdiń jaqsy baǵasyn aldy. Osy ónertabyspen biz byltyrdan beri aınalysyp kelemiz. Sondaı-aq osy forýmda biz úshin tanymdyq ekskýrsııa uıymdastyryldy, bul shyǵarmashylyq bastamany damytýǵa kómektesetini sózsiz, — deıdi joba avtorlarynyń biri, 12 synyp oqýshysy Vıktor Kahno.

Vıktor Kahno, Maksım Sýrın, Mırhaıat Denı noý-haýy ekinshi jyl qatarynan Enactus World Cup stýdenttik kásipkerliktiń fınalısti atandy. Ótken jyly balalarǵa NARXOZ ýnıversıtetiniń memlekettik grantynyń sertıfıkattary tabys etildi.

Eske salaıyq, nashar kóretin jáne zaǵıp jandarǵa arnalǵan kózildirik kameranyń kómegimen, arnaıy sensormen jumys isteıdi. Bul kameranyń jumys isteýi úshin oqýshylar arnaıy baǵdarlama kodyn jazdy. Osylaısha, ınfraqyzyl tolqyndardyń arqasynda tehnologııa obektilerge, kóliktiń kez kelgen túrine, baǵdarshamdarǵa, jol belgilerine, velosıpedshiler men adamdarǵa deıingi qashyqtyqty anyqtaı alady.

Jas ázirleýshiler avtonomdy kózildirikterdiń kómegimen qala boıynsha óz betinshe jáne qaýipsiz qozǵalýǵa bolady deıdi, osylaısha zaǵıp adamdardyń kúndelikti ómirin aıtarlyqtaı jeńildetedi degen qorytyndyǵa keldi.

Pikirler