Búgin Gaza sektorynan Mysyrǵa evakýaııalanǵan qazaqstandyqtar Kaırge keldi. Olar qonaqúıge ornalastyryldy, dep habarlaıdy "Adyrna" portaly.
«Qazaqstandyq dıplomattar men halyqaralyq uıymdardyń qyzmetkerleri olarǵa barlyq qajetti kómekti, sonyń ishinde psıhologııalyq qoldaýdy kórsetýde. Bul rette otandastarymyz ben olardyń otbasy múshelerin qujattandyrý máseleleri sheshilýde», - dep habarlady QR Syrtqy ister mınıstrliginiń baspasóz qyzmeti.
Esterińizge sala keteıik, 15 qarashada Gaza sektorynda bolǵan qazaqstandyqtardy evakýaııalaýdyń birinshi kezeńi ótken bolatyn. 92 adam Rafah baqylaý-ótkizý beketi arqyly Mysyr aýmaǵyna ótti.
Bizdiń otandastarymyz ben olardyń otbasy músheleri Qazaqstannyń qalǵan azamattary memleket terrıtorııasynan shyǵarylǵansha Kaırde bolady. Sodan keıin olardyń artynan evakýaııalyq komıssııa jiberiledi.
