«AMANAT» partiiasynyŋ Respublikalyq sailaualdy ştaby öŋırlerde sailauşylarmen kezdesudı bastady. Ştab müşelerı bırınşı Türkıstan oblysynda boldy.
Türkıstanda ziialy qauymmen kezdesu öttı. Jüzdesude partiianyŋ «Halyqpen bırge!» sailaualdy baǧdarlamasynda körınıs tapqan ruhani qūndylyqtar mäselesıne, ūlttyq mädeniet pen şyǧarmaşylyq adamdaryn qoldau jönındegı şaralarǧa erekşe nazar audaryldy.
«Halyq üşın sızderıŋ oi-pıkırlerıŋız erekşe maŋyzdy. Sondyqtan alǧaşqy kezdesudı özderıŋızben ötkızıp otyrmyz. Sızder memleket pen qarapaiym halyq arasyndaǧy altyn köpır ıspettı ärdaiym ädılettılık pen turalyqtyŋ jaqtauşysy bolyp kelesızder. Qoǧam tynysynyŋ tamyryn tap basyp, köptegen mäsele boiynşa öz oilaryŋyzdy aşyq jetkızesızder. Būl Ädılettı Qazaqstan qūru üşın asa maŋyzdy», - dedı Respublikalyq sailaualdy ştabtyŋ basşysy Erlan Qoşanov.
Partiia Töraǧasy mädeniet qairatkerlerınıŋ qoǧamdaǧy erekşe bedelın eskere otyryp, «AMANAT»-tyŋ partiialyq tızımderın jasau barysynda şyǧarmaşylyq adamdaryn – belgılı aityskerlerdı, jazuşylardy, jurnalisterdı tızımge qosuǧa erekşe nazar audarǧanyn atap öttı.
Partiia jyl saiyn üş jüz mädeniet nysanyn salu jäne jaŋǧyrtudy qamtamasyz etudı josparlap otyrǧany aityldy. Onyŋ ışınde teatrlar, kıtaphanalar, kommunikasiialyq, bılım beru jäne demalys ortalyqtary bar. Mädeniet, mūraǧat jäne kıtaphana qyzmetkerlerınıŋ jalaqysy ekı esege arttyrylady.
Būdan soŋ ştab müşelerı Kentauda qalalyq JEO-5 ūjymymen kezdestı. 1952 jyly ıske qosylǧan jylu energetikalyq torap bügınde 14 myŋǧa juyq abonenttı qamtamasyz etedı.
Partiialyqtar elımızdegı TKŞ-infraqūrylymyn auqymdy jaŋǧyrtudy qamtamasyz etuge niettı ekenın atap öttı. Partiianyŋ sailaualdy baǧdarlamasynda eŋbek adamynyŋ müddelerıne erekşe nazar audarylyp otyr. Atap aitqanda, jalaqyny ösıru, medisinalyq kömektı jaqsartu, eŋbek qūqyǧyn qorǧau siiaqty basqa da şaralar qamtylǧan.
Osy künı ştab müşelerı su tasqynynan zardap şekken Sauran audanynyŋ Şaǧa auylyna bardy. Tūrǧyndarmen kezdesude partiialyqtar sailaualdy baǧdarlamada körsetılgen auyldaǧy ömır süru sapasyn arttyru şaralaryna erekşe toqtaldy.
Partiialyqtar auyldardy taza auyz sumen qamtamasyz etuge küş salady. Auyl tūrǧyndaryn mausymdyq sel jüru qaupınen, su tasqynynan qorǧau jäne gidrotehnikalyq qūrylystar jüiesınde tärtıp ornatu mındetı qoiylady.
RQŞ müşelerı bazarǧa baryp, sailauşylarmen jastardyŋ problemalary jäne olardyŋ bolaşaqta öz jolyn tabuyna qatysty partiia ūsynǧan şaralardy talqylady. Jalpy, «AMANAT»-tyŋ kandidattary, partiia belsendılerı öŋırde agrarşylarmen, mūǧalımdermen, därıgerlermen, erekşe qajettılıkterı bar adamdarmen ondaǧan kezdesu ötkızdı.
Daiyndaǧan: "AMANAT" partiiasynyŋ baspasöz qyzmetı
Tapsyrys beruşı: M.J. Ospanov
“AMANAT” partiiasynyŋ sailau qory qarajaty esebınen tölendı
