«QR keibır zaŋnamalyq aktılerge aqparatqa qol jetkızu jäne qoǧamdyq qatysu mäselelerı boiynşa özgerıster men tolyqtyrular engızu turaly» Zaŋ jobasyn äzırleu jönındegı jūmys tobynyŋ üşınşı otyrysy öttı.
Otyrys aiasynda jūmys tobynyŋ müşelerı myna mäselelerdı talqylady.
• Qorşaǧan ortany qorǧau salasyndaǧy uäkılettı organnyŋ jäne jergılıktı atqaruşy organdardyŋ internet-resurstaryndaǧy esepterdıŋ jobalaryna, sondai-aq, memlekettık ekologiialyq saraptamanyŋ qorytyndylaryna (uaqyt boiynşa) eşqandai şekteusız qoljetımdılık jasau (qazır qūjattar 30 künge jariialanady);
• qoǧamdyq tyŋdaulardy otyrystar negızınde ǧana emes, internet-konferensiialar türınde de ötkızu;
• qūramynda polihlordifenil bar jabdyqtardy esepke alu tızılımın aşyq qoljetımdılıkte jariialau;
• jergılıktı atqaruşy organdarǧa sudy paidalanu jönındegı aqparatty tūraqty türde ornalastyryp tūrudy mındetteu.
Sonymen qatar, zaŋnyŋ jaŋa tarmaǧyna qatysty da talqy boldy. Mügedektıgı bar adamdardyŋ ökılderı memlekettık tılde söileu sintezı men audiodeskripsiiany engızudı ūsyndy.
Esterıŋızge sala keteiık, Qazaqstan Orhus konvensiiasyna jäne BŪŪ Mügedekterdıŋ qūqyqtary turaly konvensiiaǧa qatysuşy el.
Zaŋ jobasy azamattyq sektor jäne sarapşylar qauymdastyǧynyŋ müddelı ökılderımen tyǧyz talqylanyp jatyr.
"Adyrna" ūlttyq portaly
Ūqsas jaŋalyqtar
