Ötken jyly elımızde 30 myŋǧa juyq qyz-kelınşek alǧaş ret jūmysqa tūrǧan. Būl turaly Eŋbek jäne halyqty äleumettık qoldau ministrı Tamara Düisenova mälım ettı, dep habarlaidy "Adyrna" ūlttyq portaly.
«Elımızde jūmys ısteitın 4,3 mln äiel bar. Būl jūmyspen qamtylǧan halyqtyŋ 48% qūraidy. Äielderdıŋ 35% sauda jäne qyzmet körsetu salasynda, 32% bılım, densaulyq saqtau jäne ǧylym salasynda, 14% önerkäsıpte, qūrylysta jäne kölıkte, 9% astamy auyl şaruaşylyǧynda eŋbek etıp jatyr. Öŋırlerde de äielderdı nätijelı jūmyspen qamtu boiynşa da belsendı jūmys jürıp jatyr. Mäselen, byltyr 536 myŋ äiel adam jūmysqa ornalastyryldy. Al biyl ekı aida 92 myŋnan astam äiel jūmysqa tūrdy», – dedı Tamara Düisenova Ükımet otyrysynda.Sondai-aq, ministr jas äielderdı memlekettık subsidiia esebınen jūmysqa ornalastyru joǧary qarqynmen ıske asyp jatqanyn aitty. Onyŋ mälımetınşe, ötken jyly 30 myŋǧa juyq äiel alǧaş ret jūmysqa ornalasqan.
«Memlekettık qoldau boiynşa taǧy bır maŋyzdy şara qyz-kelınşekterge öz ısın aşuǧa jaǧdai jasau. Ötken jyly 80 myŋǧa juyq äiel käsıpkerlık negızderı kursynan öttı. Onyŋ qorytyndysy boiynşa 13 myŋǧa juyq äiel grant aldy. Onyŋ 58% tauarlar men qyzmetterdı öndıruge qajettı tehnologiialyq jabdyqtar satyp aldy. Al 31% mal satyp aldy», – deidı vedomstvo basşysy.
"Adyrna" ūlttyq portaly
Ūqsas jaŋalyqtar
