Aqtöbe oblysynyŋ eks-äkımı, «Aqtöbe ÄKK» būrynǧy töraǧasy Ermek İmantaevty qamauda ūstau merzımı ūzardy. Būl turaly Aqtöbe oblysy boiynşa Sybailas jemqorlyqqa qarsy qyzmet mälımdedı, dep habarlaidy “Adyrna” ūlttyq portaly.
Aita keteiık, Ermek İmantaev mamandandyrylǧan tergeu sotynyŋ qaulysymen biyl 10 aqpanda 8 säuırge deiın 2 ai merzımge qamauǧa alynǧan bolatyn. Oǧan lauazymdyq ökılettıgın asyra paidalanyp, jer uchaskelerın öz baǧasynan tömen satty degen aiyp taǧylǧan. Saldarynan memleketke 199,4 mln teŋge zalal keltırılgen.
“Būl bap boiynşa mülkı tärkılenıp, belgılı bır lauazymdardy atqaruǧa ömır boiyna tyiym sala otyryp, 7 jylǧa deiın bas bostandyǧynan aiyru nemese şekteu jazasy qarastyrylǧan. Sotqa deiıngı tergeu jalǧasyp jatyr”, - delıngen vedomstvonyŋ baspasöz habarlamasynda.Ermek İmantaev 2002-2004 jyldary Aqtöbe oblysynyŋ äkımı bolǧan. Odan keiın Prezident äkımşılıgınıŋ memlekettık baqylau jäne ūiymdastyru jūmysy bölımınıŋ, ūiymdastyru-baqylau jūmysy jäne kadr saiasaty basqarmasy memlekettık inspeksiiasynyŋ memlekettık inspektory bolyp qyzmet atqardy. 2010 jyldan bastap Astanada türlı qūrylymdarda eŋbek ettı. 2019 jyldyŋ qaraşa aiynda ol Aqtöbege qaita oralyp, «Aqtöbe ÄKK» basşysy bolyp taǧaiyndaldy. Onda 2021 jyldyŋ nauryzyna deiın qyzmet atqarǧan.
