Qazaq tılın meŋgermegen azamattar qysym körmeuı tiıs – prezident

3937
Adyrna.kz Telegram
https://adyrna.kz/content/uploads/2023/04/801baee0-bd1d-430b-bf76-846734332446.jpeg
Qazaq tılıne sūranys artqanda ǧana ol köpşılık keŋ qoldanatyn tıl bolady. Būl turaly Qazaqstan halqy Assambleiasynyŋ HHHII sessiiasynda memleket basşysy Qasym-Jomart Toqaev aitty, dep habarlaidy “Adyrna» ūlttyq portaly.
«Barlyq azamattyŋ memlekettık tıldı meŋgeru mäselesı saiasatymyzdyŋ strategiialyq baǧyty bolyp qala beredı. Qazaq tılı – azamattyq integrasiianyŋ tiımdı qūraly, mädeni-ruhani tūtastyqtyŋ jarqyn körınısı. Sondai-aq qazaq tılı ǧylymi progress pen bılımnıŋ ozyq jetıstıkterıne jol aşatyn qūralǧa ainaluy kerek. Būl – tek salalyq ministrlıkterdıŋ ǧana emes, bükıl qoǧam bolyp şeşetın tarihi mındet. Osy rette asyrasılteuşılık pen daŋǧazalyqqa jol bermei, parasatty ärı däiektı türde äreket etken jön. Memlekettık tıldı oqymaǧan jäne tiıstı deŋgeide meŋgermegen azamattar tıl bılmegenı üşın qysym körmeuge tiıs. Sonymen qatar bızdıŋ qoǧamda memlekettık tıldı üirenu, ony bıluge ūmtylu qalypty jaǧdaiǧa ainaluy qajet», - dedı Prezident.
Memleket basşysy qazaq tılıne sūranys artqanda ǧana ol köpşılık keŋ qoldanatyn tıl bolatyndyǧyn basa aitty.
«Tüptep kelgende, bırneşe tıl bılu – är adamnyŋ mädeniettılıgınıŋ belgısı. Al memlekettık tıldı, äsırese ana tılın, iaǧni qazaq tılın bılu – qandai da bır azamattyŋ mädeni öresı, azamattyq jauapkerşılıgı qanşalyqty biık ekenın bıldıredı. Sondai-aq qanşalyqty patriot ekenın körsetedı. Jalpy, memlekettık tıl töŋıregınde oŋ közqaras ūstanu qajet. Tıl mäselesıne qatysty barlyq pıkırtalas etnikalyq emes, azamattyq jäne saiasi sipatqa ie ekenın tüsınu maŋyzdy», - dedı Qasym-Jomart Toqaev.
Pıkırler