Altynşaştyŋ sahnada jürgenıne biyl 10 jyl toldy. Osyǧan orai Beibıtşılık jäne Kelısım saraiynda öner jūldyzdarynyŋ qatysuymen «Samǧa alǧa» atty motivasiialyq, şyǧarmaşylyq konsertı öttı.
Ülken sahnada jeke şyǧarmaşylyq keşın beru ärbır öner adamynyŋ armany. Sol sekıldı men de bala kezden armandap keldım. Men sekıldı erekşe jannyŋ motivasiialyq än keşın beruı Qazaqstanda būryn soŋdy bolmaǧan. Osydan keiın de qoldaular, qandai da bırūsynystar bolsa ary qarai halyqqa motivasiia beruge daiynmyn, - deidı änşı.
Şyǧarmaşylyq keşke QR Prezidentı, QR Ükımetı, Mädeniet jäne sport ministırlıgı jäne Astana qalasy äkımdıgınıŋ atynan yqylas gülı tabystaldy. Sonymen qatar, ministrler men Altynşaştyŋ änın öŋdegen Rinat Gaisin syndy tanymal kompozitorlar qoldau bıldırıp, än keştıŋ körermenı boldy.
Altynşaş eŋbektıŋ adamy. Sochi qalasynda ötken än baiqauynan gran pri ielense, Janşuaq baiqauynda “Amanat” premiiasyn ūtyp aldy. Būdan bölek Halyqaralyq baiqaularda laureat atanyp jürgen jıgerlı, ruhty, batyr qyz,- dedı premer-ministr orynbasary Altai Seidırūly Kölgınov.
Sonymen qatar, keş qonaqtary Qanat-Svetlana Aitbaevtar, Altynai Jorabaeva, Auka, Ardaq Balajanova, Meiırǧat Amangeldin, Zarina Omarova, “Jastar” teatry qoldau bıldırdı.
Alladan ümıtı ülken adam. Basyna qanşa synaq tüsse de eş moimaityndyǧy erekşe taŋ qaldyrady. Ädemılıktı jaqsy köretındıgı, sahnalyq obrazdary, syrt kelbetıne kütımmen qarauy - köp arularǧa ülgı, - deidı änşı ärıptesı Altynai Jorabaeva.
Qazaq ärqaşan jaqsylyqqa qūmar ızgı niettı halyq. Sondyqtan qoldaudy qajet etetın jandarǧa memleket jäne halyq tarapynan jaqsylyqtyŋ auylyna qadam jasala berse eken degen tılegım bar,- deidı Qanat Aitbaev.
Bas kezınde mümkındıgı şekteulı jandar dese, basqaşa közben, aiauşylyq sezımmen qaraitynbyz. Qazır qoǧam üirendı, qabyldady. Kerısınşe erekşe jandar tartynbau kerek. Mysaly Altynşaş şettetılıp qalatyn jandar qatarynan emes. Kerısınşe bızdıŋ ärıptesımız, dosymyz, qaryndasymyzǧa ainaldy. Bırge oryndaityn änımız de “Ökınbe sen” dep atalady. Osy än arqyly da adamǧa motivasiia beredı. Ärdaiym jan-jaǧyndaǧylarǧa jıgerlı boludy üiretıp jüredı,- deidı Meiırǧat Amangeldin.
Altynşaştyŋ bügınge deiın 20-ǧa juyq avtorlyq änı bar. Alǧa qoiǧan maqsattary da biık. Aldaǧy josparlarynyŋ bırı ülken sahnadaǧy konsertterde öner körsetu. Öner deitın keruennıŋ köşıne özınıŋ erekşe qabılet, talantymen kelıp qosylǧan qaisar jannyŋ tyŋdarmandary köp bolsyn deimız!
Aiym Abdraşit
