Sybailas jemqorlyqqa qarsy qyzmet Mäjılıstıŋ būrynǧy deputaty Nūrjan Ältaevtyŋ ūstalǧanyn rastady, - dep habarlaidy "Adyrna".
"Bız onyŋ asa ırı kölemde para aldy degen küdıkpen ūstalǧanyn rastaimyz. Tergeu müddesıne jäne Qylmystyq-prosessualdyq kodekstıŋ 201-babyna qatysty özge de mälımetter jariia etılmeidı", - dedı Antikor.
Eske salaiyq, «Mūqalmas» respublikalyq qoǧamdyq bırlestıgı Ältaevty kandidat retınde ūsynǧan bolatyn. Alaida bırlestıktıŋ bırneşe müşesı jinalys hattamasyn jaramsyz dep tanu turaly ötınışpen sotqa jügıngen.
Sot jalpy jinalysta oblystyq qoǧamdyq ūiym müşelerınıŋ basym bölıgı Nūrjan Ältaevty kezekten tys prezidenttık sailauǧa kandidat retınde ūsynuǧa qarsy dauys bergenın anyqtady.
2022 jylǧy 12 qazanda Ortalyq sailau komissiiasy prezidenttıkke kandidat Nūrjan Ältaevtyŋ sailau qūqyǧyn anyqtau räsımın toqtatty.
Nūrjan Ältaev Auyl şaruaşylyǧy vise-ministrı, Eŋbek jäne halyqty äleumettık qorǧau vise-ministrı qyzmetterın atqarǧan, sondai-aq Mäjılıstıŋ VI şaqyrylymynyŋ deputaty bolǧan.
2020 jyly Ältaev «Amanat» (būrynǧy «Nūr Otan») partiiasynyŋ müşelıgınen aiyryldy, al OSK «partiianyŋ bedelın tüsıretın jäne onyŋ müddelerıne nūqsan keltıretın äreketterdı jasaǧany üşın, onyŋ ışınde jaŋa saiasi partiia qūru nietı bar ekendıgı turaly bırqatar jariia mälımdemelerde aitylǧany üşın» deputattyq ökılettıgınen aiyryldy.
Keiın «El tıregı» käsıpodaǧyna kırdı.
"Adyrna" ūlttyq portaly
Ūqsas jaŋalyqtar
