Astana halyqaralyq forumyna qatysqan Özbekstannyŋ premer-ministrı Abdulla Aripov şeteldık investorlardy Ortalyq Aziiadaǧy ekologiialyq mäselelerdı şeşuge şaqyrdy, dep habarlaidy "Adyrna" ūlttyq portaly "QazAqparat" portalyna sılteme körsete otyryp.
«Osy alaŋdy paidalana otyryp, halyqaralyq serıktester men investorlardyŋ nazaryn Ortalyq Aziiadaǧy ekologiialyq mäselelerge audarǧym keledı. Būl oraida Aral apatynyŋ saldaryn eskeru maŋyzdy. Sonymen qosa, Ortalyq Aziia elderınıŋ özge de älem memleketterımen aradaǧy sauda-sattyq kölemın keŋeituge baǧyttalǧan qoldau şaralary da kün tärtıbınde. Odan bölek, investorlarmen bırlesıp auyl şaruaşylyǧy jäne kölık-logistikalyq salalaryn damytuǧa müddelımız», - dep mälım ettı Abdulla Aripov.Premer-ministr öz sözınde 2030 jylǧa deiın Özbekstan jan basyna şaqqanda jalpy ışkı önım kölemı orta deŋgeiden joǧary elder sanatyna enudı maqsat etkenın aitty. Ol üşın Ortalyq Aziia elderımen bırlesıp tauar ainalymyn arttyru, aimaqta bar paidaly qazba resurstarynyŋ qoryn tiımdı qoldanu tetıkterın pysyqtamaq.
"Adyrna" ūlttyq portaly
Ūqsas jaŋalyqtar
