Jurnalist, QR Mäjılısınıŋ deputaty Ermūrat Bäpi Qazaqstan Respublikasynyŋ ükımetıne, Ūlttyq bank töraǧasynyŋ atyna aşyq hat joldady. Aşyq hatta elımızdegı 9 banktıŋ jabylu mäselesın köterıp, "qūpiia türde jürıp jatqan qūityrqylyqtardy" synǧa aldy. "Jusan bank" arqyly halyq qarajatynyŋ qoldy bolyp otyrǧanyn jetkızdı, dep habarlaidy "Adyrna" ūlttyq portaly.
Deputat Ermūrat Bäpi halyq qarjysynyŋ qalai "qanalyp otyrǧanyn" baiandady:
- Elde toǧyz bank jabylady degen aqparat tarady. Ärine būl habardyŋ tüpnūsqasy Ükımet pen Ūlttyq bankten şyqqany dausyz. Bır jaǧynan eldegı ködedei köp bankılerdı qysqartqan da dūrys şyǧar... Ekınşı jaǧynan, eger «9 banktı jabu» turaly būl jaŋalyqtyŋ «jany» bolsa, onyŋ el ekonomikasy üşın mümkın bolar zardaby men halyqtyq qazynanyŋ esepke alynbaǧan şyǧyny turasynda Parlament Mäjılısınıŋ deputattaryn aqparattandyru qajet bolady...
Bıraq insaiderlık aqparat közderı arqyly maǧan bıraz jäit belgılı boldy. Onyŋ üstıne, «Jusan bankke» qatysty tarih tarqap bıtken joq. Qalai desek te, zaŋsyz tölengen jüzdegen million dollar dividendter elge qaitaryluy tiıs, - dedı ol.
- Menıŋ oiymşa, «Jusan bankınıŋ» töŋıregındegı barlyq jūmbaq jaǧdailar jäne 9 bankınıŋ kenetten jabyluy «Kıtaphananyŋ» būrynǧy las tarihyn jasyru äreketı men bolaşaqqa milliondaǧan dollar qor jinaqtap aludyŋ amalynan basqa eşteŋe emes. Prezident Toqaevtyŋ äkımşılıgın halyqaralyq arbitrajdyq sottar arqyly «qorqytu» – anyǧyna kelgende, Nazarbaev qory men Ūlttyq qordyŋ naqty tonauşylaryn jasyryp qaludyŋ aila-äreketı. Būl – bos äureşılık!
Deputat qyruar qarjynyŋ jalǧan şeteldık psevdo-investorlardyŋ esep-şottary arqyly Nazarbaev äuetıne audarylǧanyn aitty:
- Sebebı – būl milliondar jalǧan şeteldık psevdo-investorlardyŋ esep-şottary arqyly Nazarbaevtyŋ naqty otbasy müşelerı men qolastyndaǧy jaqybailardyŋ esep-şottaryna audarylǧan ("Jusan banktı" qoldanu arqyly). Būl eks-prezidenttıŋ qyzdary men küieubalalaryna, jienderı men nemerelerıne jūmystan şyǧu tölemaqysy (vyhodnoe posobie) siiaqty boldy da şyqty. Eŋ bastysy – osy shemanyŋ barlyǧyn oilap tauyp, jüzege asyrǧan Kärım Mäsımov üşın būl «KNB»-nyŋ tergeu abaqtysynan tölengen aqy boldy.
Keiınnen būl jaǧdaiǧa qatysty mandytyp jauap bermei otyrǧan Ükımettı synady:
- Būǧan deiın sızder deputattarǧa syrǧytpa jauap berumen qūtylyp keldıŋızder. Būdan bylai olai bolmaidy, mäselen, men sızderden kelgen ärbır jauap, eger ol syrǧytpa jäne jaltarma bolsa, ony jalpaq jūrtqa jariia etıp otyratyn bolam, - dep jazdy avtor.
Conymen qatar deputat Qazaqstan bailyǧynyŋ negızsız şetke satylyp ketıp jatqanyn da synady:
- Mäselen, halyqtyŋ közın ala bere, ükımet eldıŋ eŋ bır qūndy aktivı – Stepnogor tau-himiia kombinatymen bırge orasan zor uran kenışınıŋ qoldy boluyna mümkındık berdı. Būl aktivtıŋ qūny bırneşe milliard dollar edı. Reseilık «Rosatom» ony nebärı bırjarym milliardqa aldy.Osy sauda-sattyqtan Qazaqstan nemese, tym qūryǧanda, «Qazatomprom» qanşa üles ala aldy? Nöl! Qazaqtyŋ uran bailyǧynan ony öndırgen kombinat tesık tiyn almady! Būl aktiv bügınde Aleksandr Klebanov pen onyŋ ūlyn, Dariǧa Nazarbaevany jäne onyŋ küieuın, balalary men küieubalalaryn, Vasilii Anisimov degen äldebır Horvatiia azamatyn baiytyp jatyr, - dedı deputat.
Aşyq hat soŋynda deputat ündeu tastap, halyqtyŋ nesıbesı jaiyn söz ettı:
- Qūrmettı Ükımet müşelerı, ministrler, memlekettık agenttıkter men ūlttyq korporasiialardyŋ basşylary, oligarhtar men äkımşılıktıŋ şeneunıkterı!
Sızderdıŋ kesırlerıŋızden Stepnogor kombinaty men qoldy bolǧan älemdegı eŋ bai uran kenışınen qazaq halqy kök tiyn paida körmedı! «Jusan» jalmaǧan jäne basqa bankılerge sızder jūttyrǧan bırneşe milliard dollardan qazaq halqyna eşteŋe būiyrmady.
Bız būny aiaqsyz qaldyrmaimyz! - dedı deputat.
"Adyrna" ūlttyq portaly
Ūqsas jaŋalyqtar
ermūrat bäpi
Ūlttyq qor
nazarbaevtar äuletı
toqaev ükımetı
#jusan_bank
qarjy ūrlau
Parlament Mäjılısı
