Taldyqorǧan qalasyndaǧy Nazarbaev Ziiatkerlık mektebınıŋ 11-synyp oquşylary QazAstroShift Respublikalyq zymyran qūrastyru baiqauynan jeŋımpaz atandy. Jarys Astana qalasynda öttı. Elımızdıŋ tükpır-tükpırınen kelgen 122 komanda «Üzdık» ataǧy üşın kürestı.
Tolǧanai Äsethan, Nūrsūltan Erlanūly, Arnūr Embergen joǧary jyldamdyqtaǧy zymyrannyŋ ülgısın qūrastyrdy. Jas injenerler mekteptegı robototehnika şeberhanasynda ekı ai boiy jobamen jūmys ıstedı.
Baiqau qorytyndysy boiynşa Taldyqorǧandaǧy NIS komandasy «Eŋ tūraqty ūşu» nominasiiasymen 2 oryndy ielendı, sonymen qatar Sätbaev universitetınıŋ bılım granttaryn jeŋıp aldy.
QazAstroShift zymyrandyq ǧylymdar saiysy tört kezeŋnen tūrdy. Finalǧa on komanda öttı. Zymyrannyŋ ülgısın ūsynu, onyŋ ūşyryluy baiqauda basty şart boldy, jobanyŋ dizainy da eskerıldı.
— Jylda bızdıŋ oquşylar robototehnika salasy boiynşa jobalardy jasap, respublika kölemınde ǧana emes, halyqaralyq deŋgeide de jüldelı oryndarǧa ie boluda. Būl joly bızdı ǧaryş salasy, zymyrantanu taqyryby qyzyqtyrdy. Toptyq jūmys pen robototehnika salasyndaǧy bılımnıŋ arqasynda bız alǧa qoiylǧan mındetterdı oryndai aldyq, — dep Taldyqorǧandaǧy NIS komandasy öz pıkırlerın bıldırdı.
Ūqsas jaŋalyqtar
