Tarazdaǧy mektepte jarylys bolyp, üş adam 3-qabattan sekırıp ketken. Jetı adam auruhanaǧa jetkızıldı, onyŋ ekeuı qazır jansaqtau bölımınde jatyr. Būl turaly Astana telearnasy jariialady, dep habarlaidy “Adyrna” ūlttyq portaly.
Aqparatqa süiensek, oqiǧa 17 qyrküiek künı tüngı saǧat 12 jarymda bolǧan. Ony jergılıktı bilık jasyryp qalǧysy kelgenge ūqsaidy. Qazır örttıŋ neden tūtanǧany anyqtaluda.
- Ört bolǧan künı aimaq basşylyǧy auruhanaǧa baryp, jaraqat alǧandarǧa jaqyn arada aiaqqa tūrǧyzuǧa kömegımızdı aiamaimyz dep uäde berıptı. Bıraq odan keiın habarlaspaǧan. Osy künge deiın eşqandai kömek joq. Oblystyq äkımdık kelıp, jaqsylap kömektesemız, aiaqtan tūrǧyzamyz degen. Älı eşqandai kömek bop jatqan joq Qyzdardyŋ jaǧdailary qalai bolady endı mügedek te bolyp qaluy mümkın ǧoi, - deidı qala tūrǧyny Güljan Sadyqūlova .
Taǧy bır qala tūrǧynynyŋ aituynşa, Astanadan keletın maman ota jasaudan bas tartypty.
- Erterek operasiiasyn jasasa. Mıne bügın üşınşışı kün boldy ǧoi, bız älı jürmız osy jerde. Älı Astanadan keledı, mıne jasaidy, mıne keledı, mıne kele jatyr bıraq joq habar. Al endı qazır aityp tūr Astana otkaz berdı dep, - deidı ol.
Taraz qalasynda jetı mektep jaŋa oqu jylynda bıtpei qalǧan edı. Qūrylysy keşıkken mektepterdıŋ bırı osy. Merdıger jöndeudı tez bıtıruı üşın ekı auysymda jūmys ıstetken. Būl mekteptıŋ 1021 oquşysy maŋaidaǧy 3 mektepke bölınıp oquda. Al bılım ordasynda bolǧan jarylystan barlyǧy 7 adam zardap şekken. Onyŋ üşeuı jeŋıl jaraqat alsa, taǧy 2-ın küiık şalǧan. Al üşınşı qabattan sekırıp ketken ekı qūrylysşy qyz jansaqtau bölımınde jatyr, - deidı Salima Narymbetova.
Al qalalyq №1 auruhana bas därıgerınıŋ orynbasary Säken Jūmaşev qala äkımdıgıne arqa süieude:
- Qabyrǧalary synǧan, omyrtqalary synǧan jäne bır aiaǧy synǧan. Sondyqtan qazır ony jyljytyp Astanaǧa samoletke salyp jıberuge bolmaidy. Sol jaqtyŋ spesialistterı kelıp osynda operasiia jasamaqşy.
Qala äkımı eşkım jauapkerşılıkten qaşyp jatqan joqtyǧyn aityp, barlyǧy kömek körsetıledı dep otyr.
Taraz qalasynyŋ äkımı Baqytjan Orynbekov zardap şekkenderge merdıger kömektesetının aitty.
- Merdıger jauapkerşılıkten qaşyp otyrǧan joq. Zardap şekken azamattarǧa tolyq kömek körsetuge daiyn. Qyzdar emın qabyldap jatyr. Därımen basqa närsemen qamtamasyz etılgen. Bolaşaqta reblitasiia qajet bolatyn bolsa merdıger öz tarapynan sol mäselenı şeşuge daiyn ekenın aitty. Ört qauıpsızdıgın qamtamasyz etpegen dep tanylyp, qazır qylmystyq ıs aşyldy. Äzırge örttıŋ neden tūtanǧany belgısız. Tek jarylystyŋ boiau qūtysynan şyqqan degen boljam bar, - dedı äkım.
