Bügın - detektiv janrynda qalam terbegen qazaqtyŋ tūŋǧyş jazuşysy Kemel Toqaevtyŋ tuǧanyna 100 jyl.
Qazaq mädenietı men ädebietıne sübelı üles qosqan qarymdy qalamger 1923 jyly 2 qazanda qazırgı Jetısu oblysy, Qaratal audanynda düniege kelgen.
Ol Ūly Otan soǧysynyŋ ardagerı. 1948 jyly Qazaq memlekettık universitetın bıtırgen. «Leninşıl jas» (qazırgı «Jas Alaş»), «Qazaqstan pionerı» (qazırgı «Ūlan»), «Sosialistık Qazaqstan» (qazırgı «Egemen Qazaqstan») gazetterı redaksiialarynda jauapty qyzmetter atqarǧan.
1960–1977 jj. Qazaq KSR Joǧarǧy Keŋesı «Vedomostarynyŋ» bas redaktory bop ıstegen, 1980–1984 jj. Qazaqstan Jazuşylar odaǧynyŋ ädebi keŋesşısı bolǧan.
Keŋes chekisterı taqyrybyna arnalǧan onnan astam kıtaby qazaq jäne orys tılderınde basylyp şyqty. Qazaqstan Jazuşylar odaǧy men Qazaq KSR Işkı ıster ministrlıgı jariialaǧan ädebi bäigelerde bırınşı bäige alyp, tört märte laureat atandy (1956, 1972, 1977, 1980). «Qyzyl komissar», «Qylmysker kım?» jäne «Siqyrly syrlar» dep atalatyn pesalardyŋ da avtory.
Ūly Otan soǧysynyŋ I jäne II därejelı ordenderımen, ekı märte «Erlıgı üşın» medalımen jäne basqa köptegen medaldarmen, Qazaq KSR Joǧarǧy Keŋesınıŋ Qūrmet Gramotalarymen, KSRO Işkı ıster ministrlıgınıŋ Qūrmet Gramotasymen jäne omyrauǧa taǧatyn arnauly belgısımen marapattalǧan. 1986 jyly ömırden ötken.
Aita keteiık, Kemel Toqaev - Qazaqstan Prezidentı Qasym-Jomart Toqaevtyŋ äkesı. Biyl jazuşynyŋ 100 jyldyq mereitoiyna arnalǧan ıs-şaralar elımızdıŋ bırneşe qalasynda jäne Äzırbaijan men Türkiiada atap ötıldı. Alaida Qazaqstan Prezidentı ol şaralardyŋ eşqaisysyna qatyspady.
