İzrailden evakuasiialanǧan qazaqstandyqtar mıngen reis Almatyǧa qondy, - dep habarlaidy "Adyrna" ūlttyq portaly.
10 qazan künı saǧat 23:45-te HAMAS islam partiiasy oq jaudyryp bastaǧan uaqytta İzrail aumaǧynda bolǧan Qazaqstan azamattaryn evakuasiialau üşın Almaty äuejaiyna eksporttyq reis qondy.
«Air Astana» äue kompaniiasynyŋ ūşaǧy Astana uaqytymen 16:45-te Tel-Avivten ūşyp, jergılıktı uaqyt boiynşa 19:25-te Aqtauǧa qondy, sodan keiın Almatyǧa ūşty. Bortta 166 jolauşy bolǧan, onyŋ ışınde ekeuı säbi.
Osy saǧattar boiy jaqyndarynyŋ qauıpsızdıgıne alaŋdaǧan qazaqstandyqtardy äuejai terminalynda tuystary men dostary kütıp tūrdy.
Soǧys bastalǧan kezde İzrailden oralǧan qazaqtardyŋ basym bölıgı elımızdıŋ soltüstıgınde, zymyran atqylauǧa ūşyramaǧan aimaqtarda boldy. Alaida oqiǧanyŋ däl oşaǧynan tabylyp, joly bolmaǧandar da boldy.
Ǧylym jäne joǧary bılım ministrlıgı repatriasiia reisındegı jolauşylardyŋ arasynda «Bolaşaq» baǧdarlamasy boiynşa İzrailde "Rabin" jäne "Şeba" medisinalyq ortalyqtarynan taǧylymdamadan ötken 14 qazaqstandyq bar ekenın habarlady.
Solardyŋ bırı uzi därıgerı Qarlyǧaş Ötepbergenqyzy qaz365.kz tılşısıne İzraildegı jaǧdaidyŋ qalai bolyp jatqanyn aityp berdı:
«Livan tarapy şabuyl jasaǧannan keiın bız qalmauǧa bel budyq. Sebebı qazaqtardyŋ bärı aqyldasyp, jıgıtter jaǧy «būl 50 jylda bırınşı ret bolyp tūrǧan jaǧdai, sondyqtan mümkındıgınşe qaityp ketu kerek» destı. Bız sodan keiın konsuldyqqa habarlastyq. Bız «Bolaşaq» boiynşa 35 adam barǧanbyz. Bıraq Haifa qalasynan 16 adam baryp tūrmyz. 16 adam qaityp keldık», - deidı ol.
Qarlyǧaştyŋ aituynşa, İzrail tarapy qazaqstandyqtarǧa bombalaudan qūtqaratyn oryn baryn eskertken. Ol jaqqa pasienttermen bırge tüsuge bolǧan. Ol jerde barlyq adamǧa ornalasatyn jer jetetının aitqan.
«Bombapananyŋ kodtaryn bızge berıp qoidy. 0152 nömırdı kod oiyma bırden jattaldy. Sömkenı jastanyp ūiyqtadyq. Bızge «sömkelerıŋdı qamdap, su men būzylmaityn tamaq salyp alyp, jatyŋdar, jasyrynatyn jerde ūzaq uaqyt boiy qalyp qoiularyŋ mümkın» dep eskerttı. Sonyŋ bärın alyp, riukzakpen bırge jattyq. Aramyzda 4 qyz, qalǧany jıgıtter. Sirena oinaǧan uaqytta sömkenı alyp şyǧatyndai jaǧdai jasadyq. Sebebı qoryqtyq, janymyzdy saqtasaq dedık», - deidı ol.
Ūqsas jaŋalyqtar
