Astana polisiia departamentı avtokölık juuşy kölıkten klienttıŋ banktık kartasyn ūrlap, aqşasyn jūmsaǧany turaly mälımdedı, dep habarlaidy «Adyrna» ūlttyq portaly.
Vedomstvonyŋ baspasöz qyzmetınıŋ habarlauynşa, polisiiaǧa qala tūrǧyny aryz bıldırıp, onyŋ banktık kartasyn belgısız adam paidalanǧanyn habarlaǧan. «Saryarqa audandyq IIB oblystyq kriminaldyq polisiia basqarmasynyŋ qyzmetkerlerı jedel ızdestıru ıs-şaralary barysynda 39 jastaǧy qala tūrǧynyn küdıktı dep anyqtady. Anyqtalǧandai, jäbırlenuşı keşkı uaqytta kölık juu ornyna toqtap, kölıktı tastap ketken. Bıraz uaqyttan keiın kölıktı alyp ketıp qalady. Kelesı künı onyŋ telefonyna kartasynan aqşa jūmsalǧany turaly habarlamalar kele bastady. Kartochkasy joq ekenın bılgen ol polisiiaǧa habarlasqan. Tärtıp saqşylary ūrlyqqa kölık juu mekemesınıŋ qyzmetkerınıŋ qatysy baryn anyqtady», - delıngen polisiia habarlamasynda. Atalǧan faktı boiynşa QK-nıŋ 188-baby «ūrlyq» boiynşa sotqa deiıngı tergeu jürgızılıp jatqany, er adam jasalǧan qylmysty moiyndaǧany atap ötıldı. Polisiia onyŋ elorda aumaǧynda jasalǧan basqa da osyndai qylmystarǧa qatystylyǧyn tekserude. Astana qalasynyŋ polisiia departamentı azamattardy mūqiiat boluǧa jäne baǧaly zattardy qarausyz qaldyrmauǧa şaqyrady.«Adyrna» ūlttyq portaly
Ūqsas jaŋalyqtar
