Käsıpkerlerdıŋ aqşany tek qolma-qol qabyldau turaly talabyna qatysty qazaqstandyqtardyŋ şaǧymdaryna Qarjy ministrlıgınıŋ Memlekettık kırıster komitetı tüsınıkteme berdı, dep habarlaidy "Adyrna" ūlttyq portaly Tengrinews saityna sılteme jasap.
Jaŋa jyldyŋ 1 qaŋtarynan bastap barlyq qazaqstandyqtardyŋ mobildı audarymdaryn tekseru bastaldy. Al azamattar käsıpkerlerdıŋ tauarlar men qyzmetterdı satu üşın onlain tölemderdı qabyldaudan bas tartyp, qolma-qol aqşa talap etıp jatqanyna şaǧymdanuda. Osy mäselege qatysty Qarjy ministrlıgınıŋ Memlekettık kırıster komitetı tüsınıkteme berdı. "Tölemdı qabyldaudan bas tartu zaŋsyz bolyp tabylady, öitkenı "Tölemder jäne tölem jüielerı turaly" Qazaqstan Respublikasy Zaŋynyŋ normalarynda tölemnıŋ ärtürlı täsılderı közdelgen - bank kartasy, QR nemese qolma-qol aqşa arqyly (25-bap). Käsıpkerlerdıŋ tölem kartochkalaryn paidalana otyryp tölemderdı qabyldaudan bas tartqany üşın äkımşılık jauapkerşılık qarastyrylǧan, bırınşı ret - eskertu, qaitalap būzǧan jaǧdaida - 40 AEK nemese 147 680 teŋge kölemınde aiyppūl", - dep jauap berdı MKK baspasöz qyzmetı."Adyrna" ūlttyq portaly
Ūqsas jaŋalyqtar
