Seismikalyq qauıpsızdık mäselelerı jönındegı keŋeste Prezident Toqaev Tötenşe jaǧdailar ministrlıgıne öz qyzmetın syni tūrǧydan qarau kerek ekenın tapsyrdy, - dep habarlaidy “Adyrna” ūlttyq portaly Aqordaǧa sılteme jasap.
Elbasy Syrym Şärıphanovqa qarata söz söilep, onyŋ osy salanyŋ mamany ekenın, teoriialyq bılımı bar ekenın, bıraq naqty jūmysqa kelgende eŋbegınıŋ jemısı körınıp tūr deuge bolmaitynyn atap öttı. “Qazırgı jūmysty köŋılden şyǧady dep aituǧa kelmeidı. Ministr Şärıphanovqa eskertemın. Eger sız öz jūmysyŋyzdy auyr sanaityn bolsaŋyz, aşyǧyn aityŋyz, ǧylymi-oqytuşylyq qyzmetıŋızge qaitaramyz. Onda tūrǧan eşteŋe joq. Qazırgı ahual öte kürdelı jäne jauapty, elımızdıŋ qauıpsızdıgıne tıkelei bailanysty. Sondyqtan bärımız jinaqy, ūqypty jäne belsendı boluymyz qajet. Basqa jol joq. Prezident Äkımşılıgı bügın aitylǧan barlyq mäselenı baqylauda ūstaidy”, – dedı Memleket basşysy. Sondai-aq ol qaladaǧy sirenalardyŋ qosylmaǧany dūrys şeşım bolǧanyn da atap öttı. “Dabyl qosylmady. Būl dūrys şeşım boldy. Äitpese, qalada dürbeleŋ tuyndaityn edı. Bıraq halyqty basqa bailanys arnalary arqyly habardar etu qajet bolatyn. Qūlaqtandyru bırneşe negızgı mındettı şeşuı kerek”, - dedı Toqaev. Sözınıŋ soŋynda Qasym-Jomart Toqaev Almaty qalasynyŋ tūrǧyndaryn sabyrly boluǧa şaqyrdy. Aita keteiık, Qasym-Jomart Toqaev 24 qaŋtarda Almatyǧa jūmys saparymen kelgen edı.Ūqsas jaŋalyqtar
