17 nauryzda Reseide Nemıs ūlttyq okrugıne qarasty Grişkovka auyly maŋynda Şymkent-Novosibirsk baǧytymen kele jatqan jolauşylar avtobusy audarylyp qaldy. Būl turaly Resei Altai ölkesı boiynşa TJM baspasöz qyzmetınıŋ mälımdedı, dep habarlaidy “Adyrna” ūlttyq portaly.
Mälımet boiynşa, avtobus jürgızuşısı tızgınge ie bola almai, kölık joldan şyǧyp ketıp, avtobus büiırıne audaryp qalǧan.
“Oqiǧaǧa avtobus jürgızuşısı tızgınge ie bola almai qaluy sebep bolǧan. Avtobusta 56 adam bolǧan - ekı jürgızuşı jäne 54 jolauşy, onyŋ ışınde üş bala. 7 adam zardap şekken (jeŋıl jaraqat, zardap şekkender arasynda balalar joq). Barlyǧyn jedel järdem qyzmetkerlerı tekserdı. Bır adam Slavgorod auruhanasyna jatqyzylǧan”, delıngen habarlamada.
Avtobus tek audarylǧan bolmasa, jürıp tūr. Ony jürgızuşıler Qazaqstanǧa alyp kettı. Al jolauşylardy mejelı jerıne jetkızu üşın basqa avtobus berıldı.
