Astanada qalanyŋ syrtqy kelbetın «Jarnama turaly», «Säulet, qala qūrylysy jäne qūrylys qyzmetı turaly» jäne «Qazaqstan Respublikasyndaǧy tılder turaly» Qazaqstan Respublikasy Zaŋdarynyŋ talaptaryna säikes keltıru boiynşa belsendı jūmys jürgızılude. 2024 jyldyŋ basynan berı barlyq audandardaǧy ǧimarattardyŋ qasbetterınen 1400-ge juyq jarnamalyq elementter alynyp tastaldy, dep habarlaidy “Adyrna” ūlttyq portaly qalalyq äkımdıktıŋ resmi saityna sıltep.
Elordanyŋ bıryŋǧai säulettık-körkemdık kelbetın jüzege asyrudy Astana qalasy äkımdıgınıŋ «Astana-Jarnama» KMM jüzege asyrady. Mekeme sonymen qatar qala aumaǧynda ornalasqan syrtqy (körnekı) jarnamaǧa monitoring jürgızedı.
«Astana-Jarnama» KMM qyzmetkerlerı audandyq äkımdıktermen bırlesıp, säulet stilınıŋ negızgı parametrlerıne säikes kelmeitın körnekı aqparat (maŋdaişalar men jarnama) elementterın tüsındıru jäne bölşekteu boiynşa köşpelı ıs-şaralar ötkızedı.
Käsıpkerlermen tüsındırme äŋgımeler jürgızıledı, maŋdaişalarǧa qoiylatyn talaptardy, syrtqy (körnekı) jarnamany ornalastyru tärtıbın sipattaityn bukletter berıledı.
2024 jyldyŋ basynan berı ǧimarattar men qūrylystardyŋ 200-den astam qasbetterıne közben şolyp tekseru jürgızıldı, onyŋ nätijelerı boiynşa 830-dan astam maŋdaişa jäne talaptarǧa säikes kelmeitın syrtqy (körnekı) aqparattyŋ 550-ge juyq elementterı bölşekteldı.
Mekeme qyzmetkerlerı 1600-ge juyq käsıpkerlık subektısın qabyldady, olarǧa ǧimarattardyŋ (qūrylystardyŋ) qasbetterın säulettık-körkemdık bezendıru mäselelerı boiynşa qoldanystaǧy zaŋnamanyŋ talaptary tüsındırıldı.
Sondai-aq käsıpkerlık subektılerı belgılerınıŋ 742 eskizı qaraldy.
Ūqsas jaŋalyqtar
