Qaraǧandyda 130 balany qūtqaryp, erlıkpen qaza tapqan poliseidıŋ esımı ūlyqtaldy

16 jyl būryn tasjoldaǧy apattan aman qalǧan qaraǧandylyq oquşylar batyl poliseidıŋ erlıgıne qūrmet bıldırıp, qūtqaruşylaryn eske aldy. Būl turaly Polisia.kz jariialady, dep habarlaidy “Adyrna” ūlttyq portaly. Aita keteiık, 2008 jyldyŋ 20 mamyrynda 130 bala mıngen üş avtobus Astanadan Qaraǧandyǧa bet alǧan jolda apatqa ūşyrady. Olardyŋ qauıpsızdıgıne jauaptylardyŋ bırı, jol polisiiasynyŋ inspektorlary Qairat Jūmabekov balalardy qūtqaryp, qaza tapqan bolatyn. – Barlyǧy qas qaǧym sätte boldy. Astana – Qaraǧandy tasjolynda jük kölıgı aldynda kele jatqan jeŋıl kölıktı basyp ozyp, bız jetegımızge alyp kele jatqan avtobustarǧa qarai qarsy baǧytqa şyqty. Qairat tez arada şeşım qabyldap, jük kölıgı avtobusqa soǧylmau üşın özımız mıngen qyzmettık avtokölıkpen tosqauyl qoidy. Odan keiıngısı esımde joq. Men jansaqtau bölımıne tüsıp, ol jerde tört kün jattym. Ol özınıŋ qyzmetıne adal berılıp, tapsyrmany antyna säikes soŋyna deiın oryndady. Eger olai jasamaǧanda avtobustaǧy balalar qaza tabatyn edı, – dep ötkendı esıne aldy Qairat Jūmabekovtıŋ ärıptesı Dmitrii Pugach. Asyl azamattyŋ erlıgı jaiynda tüsırılgen beinefilm qaladaǧy kinoteatrlardyŋ bırınde körsetıldı. Oǧan Qairat Jūmabekovtıŋ jary Nazgül, ūly Ǧalym, qyzy Dilara qatysty. Tärtıp saqşysy qūtqarǧan balalar sol kezde 10 jasta bolsa, bügınde ärqaisysy ömırden öz oryndaryn tauyp, otbasyly boldy. Olar aǧalarynyŋ erlıgın bır sätke de ūmytqan emes. Işkı ıster ministrlıgınıŋ resmi ökılı Şyŋǧys Alekeşev Qairat Jūmabekovtıŋ erlıgı jaiynda tüsırılgen beinefilm barlyq mektepterde körsetılıp, batyrdyŋ qaisarlyǧy öskeleŋ ūrpaqqa jetkızıletının atap öttı. Eske salsaq, jol-kölık oqiǧasynan keiın jük kölıgınıŋ jürgızuşısınıŋ üstınen qylmystyq ıs qozǧalyp, ol jetı jylǧa bas bostandyǧynan aiyryldy.