Respublikalyq Dermatologiia ǧylymi ortalyǧynyŋ basşysy men onyŋ orynbasary jemqor degen küdıkke ılındı. Būl turaly bügın, 22 şılde Sybailas jemqorlyqqa qarsy ıs-qimyl agenttıgı jariialady, dep habarlaidy “Adyrna” ūlttyq portaly.
Almaty qalasy boiynşa Sybailas jemqorlyqqa qarsy qyzmetı Qazaq dermatologiia jäne jūqpaly aurular ǧylymi ortalyǧynyŋ basşysy men onyŋ orynbasaryna qatysty sotqa deiıngı tergeu jürgızıp jatyr.
Olar medisinalyq qyzmetkerlerdıŋ bılıktılıgın arttyru boiynşa qyzmetter körsetuge şart jasasqany üşın halyqaralyq joǧary oqu ornynan
keiıngı bılım beru institutynyŋ basşysynan 5 mln teŋge somasynda para alu boiynşa küdıkke ılındı.
Sottyŋ sanksiiasymen Ortalyqtyŋ basşysy qamauǧa alyndy.
Tergeu jalǧasyp jatyr.
Qylmystyq-prosestık kodekstıŋ 201-babyna säikes özge aqparat jariia etuge jatpaidy.
Konstitusiianyŋ 77-baby 3-tarmaǧynyŋ 1-tarmaqşasyna jäne Qylmystyq-prosestık kodekstıŋ 19-baby 1-bölıgıne säikes, qylmystyq qūqyq būzuşylyq jasaudaǧy kınäsı sottyŋ zaŋdy küşıne engen ükımımen belgılengenge deiın ärbır adam kınäsız dep esepteledı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz