Qaraǧandyda ekı jüktı äiel esırtkı saudasymen ainalysqan. Olar sintetikalyq esırtkını kölıkpen tasymaldaǧan, - dep habarlaidy “Adyrna” ūlttyq portaly.
Qaraǧandy oblysynyŋ polisiia departamentınıŋ mälımetınşe, esırtkı tasymaldauşylardyŋ bırı Qaraǧandydan şamamen 20 şaqyrym jerde ūstaldy. Onyŋ kölıgınıŋ jüksalǧyşynan ekı kelıden astam sintetikalyq esırtkı tabylǧan. Tergeu barysynda äiel tyiym salynǧan zattardy elımızdıŋ oŋtüstık oblystarynan äkelgenın moiyndady. Polisiia ekınşı kurerdı däl qalanyŋ ortasynan ūstady. Ony tıntu barysynda sintetikanyŋ ülken partiiasy tabyldy.
"Ekeuı de auqatty otbasynan şyqqan, tabysy bar. Bıreuınıŋ balalary köp. Jaǧdailaryna qaramastan, olar "jeŋıl" aqşaǧa jelıgıp, aqyry bas bostandyǧynan aiyryldy. Olar sottalyp, 10 jylǧa deiın qamauǧa alyndy” delıngen PD mälımdemesınde.
Biyl jyl basynan berı esırtkı taratumen ainalysqan 53 adam ūstalǧany aityldy.
Sonymen qatar, jyl basynan berı oblysta aqparattyq resurstar arqyly esırtkı satu boiynşa 71 qylmystyq ıs qozǧalsa, onyŋ 40-y graffiti arqyly jarnamalauǧa qatysty bolǧany ataldy. Polisiia qabyrǧadaǧy mūndai jarnamamen belsendı küresıp jatyr: jyl basynan berı 10 myŋǧa juyq esırtkı graffitiı joiyldy.
«13 qyrküiekte bız esırtkınıŋ taraluyna qarsy küres jäne salauatty ömır saltyn nasihattauǧa baǧyttalǧan auqymdy ıs-şara ötkızdık, oǧan myŋnan astam adam qatysty, tört myŋnan astam esırtkı graffitiı boialdy, üş myŋnan astam eskertpeler jäne bukletter taratyldy, graffiti arqyly esırtkını jarnamalaudyŋ qandai türı bolmasyn 3 jyldan 6 jylǧa deiın bas bostandyǧynan aiyru türındegı qylmystyq jauapkerşılıkke tartylatynyn eske salamyz», - dep tolyqtyrdy polisiianyŋ baspasöz qyzmetı.
Būǧan deiın, Qazaqstanda Işkı ıster ministrlıgı janynan Esırtkı qylmysyna qarsy küres komitetı qūrylǧany habarlanǧan bolatyn. Esırtkı qylmysymen küres jönındegı qazırgı bölım jaŋa basqarma bolyp özgertıldı.
Ūqsas jaŋalyqtar
