Endı meiramhanalar qyzmet körsetu aqysyn tek mäzırde körsetılgen jaǧdaida ǧana ala alady. Būl turaly Sauda jäne integrasiia ministrı Arman Şaqqaliev biznes ökılderımen kezdesıp, qoǧamdyq tamaqtanu qyzmetterın jetıldıru boiynşa ūsynystardy talqylady, dep habarlaidy “Adyrna” ūlttyq portaly.
Jiynda meiramhanalar men dämhanalarda keluşılerge qyzmet körsetkenı üşın 10% tölem alu täjıribesınıŋ zaŋdylyǧy, sondai-aq depozittık jüie mäselelerı qaraldy. Ministr Qazaqstannyŋ Azamattyq kodeksıne säikes, qoǧamdyq tamaqtanu salasynda as mäzırın ūsynu jariia oferta bolyp tabylatynyn, säikesınşe, qyzmet körsetu üşın aqy töleu qajettılıgı turaly aqparat as mäzırınde körsetıluge tiıs ekenın eske saldy. Eger ondai aqparat bolmasa, onda tölemaqy alu zaŋsyz dep esepteledı.
Keluşılerge qyzmet körsetkenı üşın zaŋsyz aqy aludy boldyrmau üşın Işkı sauda erejesıne özgerıster engızıldı. Endı meiramhanalar qyzmet körsetu aqysyn tek mäzırde körsetılgen jaǧdaida ǧana ala alady. Sondai-aq, «depozittık jüiege» tyiym salatyn erejeler aityldy. Keluşıler üşın kıru tegın bolyp qalady, alaida qosymşa qyzmetter üşın, mysaly, VIP-kabina, karaoke-kabina üşın aqy aluǧa bolady.
Qoǧamdyq tamaqtandyrudyŋ özın-özı retteitın ūiymynyŋ töraiymy Veronika Nūrpeiısovanyŋ aituynşa, köpşılık oferta erejesıne säikes meiramhanalar men dämhanalar mekemege kırgen kezde qyzmet körsetkenı üşın alym töleu qajettıgı turaly keluşılerdı habardar etedı.
“Eger käsıpkerlerdıŋ özderı qyzmet körsetkenı üşın 10%-yn jinap, qūnyn belgılese, mysaly, qyzmet körsetusız 5500 teŋge, al körşı mekemede qyzmet körsetumen 5000 teŋge bolsa, ıs jüzınde baǧa bırdei bolyp qalady. Būl jaǧdaida daiaşy şaipūl talap ete almaitynyn tüsınuı maŋyzdy”, – dedı ol.
Talqylau qorytyndysy boiynşa Sauda ministrı biznes pen qoǧamdyq ūiymdardyŋ ökılderın qoǧamdyq tamaqtanu salasyndaǧy erejelerdı jaqsartu boiynşa bırlesıp jūmys ıstep, aşyq dialogtyŋ maŋyzdylyǧyn atap öttı. Ol ministrlıktıŋ «Atameken» ŪKP-men bırlesıp äzırlenetın barlyq ūsynystardy qarauǧa daiyn ekenın aitty. Arman Şaqqaliev talqylauǧa belsendı qatysqandary üşın biznes qauymdastyqqa alǧysyn bıldırdı.
Ūqsas jaŋalyqtar
