Tūrǧyn elordanyŋ äkımşılık sotyna Sauda jäne integrasiia ministrlıgı atynan Qazaqstan Respublikasynyŋ Ükımetıne uaqytty qaitarudy talap etıp, äkımşılık sotqa jügıngen. Alaida, sot talabyn kerı qaitarǧan. Būl turaly Astana qalasynyŋ mamandandyrylǧan audanaralyq äkımşılık soty mälımdedı, dep habarlaidy “Adyrna” ūlttyq portaly.
«Talap qoiuşynyŋ bastapqyda mälımdegen talaptary äkımşılık sot ısın jürgızu tärtıbımen qaraluǧa jatpaidy. Osyǧan bailanysty sottyŋ belsendı rölı qaǧidatyn ıske asyru şeŋberınde sotpen talap qoiuşyǧa öz talaptaryn naqtylau qūqyǧy tüsındırılıp, talaptardyŋ mänın özgertu (qorytyndy şeşımdı jäne tiıstı jauapkerdı körsetu) ūsynyldy. Sot belgılegen merzımde sotqa äkımşılık talapty naqtylau nemese tolyqtyru turaly ötınış tüsken joq, –delıngen sot habarlamasynda.
Sondyqtan, talap qoiuşy öz qūqyǧyn paidalanbai, talaptardy naqtylamauyna (özgertpedı) bailanysty talaby kerı qaitarylǧan.Aqparatqa säikes, A. elordanyŋ äkımşılık sotyna Sauda jäne integrasiia ministrlıgı atynan Qazaqstan Respublikasynyŋ Ükımetıne talap qoiyp, äkımşılık sotqa jügıngen. Ol Ükımettıŋ 2024 jyldyŋ 19 qaŋtaryndaǧy qaulysyn zaŋsyz dep tanudy, Ükımet janyndaǧy jūmys tobynyŋ 2024 jylǧy 2 tamyzdaǧy «uaqytty qaitaraiyq» petisiiasyn qanaǧattandyrudan jäne aqparatqa qol jetkızuden bas tartu turaly şeşımın zaŋsyz dep tanudy talap etken.
Ol sot şeşımı boiynşa:
1) «Qazaqstan Respublikasynyŋ aumaǧyndaǧy uaqytty esepteu tärtıbı turaly» Qazaqstan Respublikasy Ükımetınıŋ 2000 jylǧy 23 qaraşadaǧy N 1749 qaulysyna özgerıster engızu turaly» Qazaqstan Respublikasy Ükımetınıŋ 2024 jylǧy 19 qaŋtardaǧy qaulysy zaŋsyz dep tanylsyn;
2) Ükımet jūmys tobynyŋ 2024 jylǧy 2 tamyzdaǧy «Uaqytty kerı qaitaraiyq» ötınışın qanaǧattandyrudan jäne aqparatqa qol jetkızuden bas tartu turaly şeşımı zaŋsyz dep tanylsyn;
3) 2024 jylǧy 1 tamyzdaǧy jauap zaŋsyz dep tanylsyn;
4) 2024 jylǧy 27 tamyzdaǧy jauap zaŋsyz dep tanylsyn.
Sot «talapkerdıŋ bastapqy körsetılgen nysandaǧy talaptary äkımşılık ıs jürgızude qarauǧa jatpaidy» dep tüsındırdı.
